ପୁରୀ : ସ୍ନାନ ପରେ ଅଣସର ଘରେ ଏବେ ଶ୍ରୀଜିଉ । ସ୍ନାନଯାତ୍ରାରେ ଶହେ ଆଠ ଗରା ସୁବାସିତ ଜଳରେ ଠାକୁର ସ୍ନାନ କଲେ । ସ୍ନାନପରେ କାଲିଠାରୁ ଚତୁର୍ଦ୍ଧା ମୂର୍ତ୍ତି ଅସୁସ୍ଥ ହୋଇପଡିଥିବା ବେଳେ ରାତି ୨ଟାରେ ଅଣସର ପିଣ୍ଡିକୁ ଠାକୁରମାନଙ୍କୁ ନିଆଯାଇଛି । ଅଣସର ଘରକୁ ନେବା ପରେ ଶ୍ରୀଜିଉଙ୍କ ସୁନା ଚିତା ଓ ରାହୁଲେଖା ମଇଲମ ନୀତି ଅନୁଷ୍ଠିତ ହୋଇଛି। ଶ୍ରୀଜିଉଙ୍କ ଶ୍ରୀଅଙ୍ଗରେ ଲାଗିଥିବା ସୁନା ଅଳଙ୍କାର ଆଦି ଦଇତାପତି ସେବକମାନେ ଭଣ୍ଡାର ମେକାପଙ୍କ ଜିମା ଦେଇଛନ୍ତି । ପରେ ଅଣସର ତାଟି ବନ୍ଧା ଯାଇଥିଲା । ଚତୁର୍ଦ୍ଧା ମୂର୍ତ୍ତିଙ୍କ ନୀତିକାନ୍ତି ଲାଗିପଡ଼ିଛନ୍ତି ପଣ୍ଡା ମାନେ ।