ପାଟଣାଗଡ଼, (କେପିଏନ୍ଏସ୍) : ନିକଟସ୍ଥ ଉଲ୍ବା ଗ୍ରାମର କଲ୍ୟାଣ ମଣ୍ଡପ ଠାରେ ବିଜେପି. ପକ୍ଷରୁ ପାଟଣାଗଡ଼ ମଣ୍ଡଳ ସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ପୂର୍ବତନ ବିଧାୟକ କନକବର୍ଦ୍ଧନ ସିଂହଦେଓ ଦୀପ ପ୍ରଜ୍ୱଳନ କରି ଉଦ୍ଘାଟିତ କରିଛନ୍ତି । ବଲାଙ୍ଗିର ସାଂସଦ ସଂଗୀତା କୁମାରୀ ସିଂଦେଓ, ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ପାଟଣାଗଡ଼ ବ୍ଲକ୍ ଅଧ୍ୟକ୍ଷ ଭକ୍ତବନ୍ଧୁ ନାଏକ, ଶ୍ରୀବତ୍ସ ବେହେରା, ପୂର୍ବତନ ଜିଲ୍ଲା ପରିଷଦ ସଭ୍ୟ ଶିବପ୍ରସାଦ ପୁରୋହିତ ପ୍ରମୁଖ ଏଥିରେ ଯୋଗଦାନ କରି ନିଜର ବକ୍ତବ୍ୟ ରଖିଥିଲେ । ଭାଜପା.ର ଇତିହାସ ଓ ବିକାଶ, ଦଳ ପ୍ରତି ଆମର ଦାୟିତ୍ୱ, ବ୍ୟକ୍ତିତ୍ୱ ବିକାଶ, ଗତ ୬ ବର୍ଷ ମଧ୍ୟରେ ହୋଇଥିବା ଅନ୍ତୋର୍ଦୟୀ ପ୍ରଯତ୍ନ, ରାଷ୍ଟ୍ରୀୟ ସୁରକ୍ଷା ଓ ସାମର୍ଥ୍ୟ ସହିତ ଆତ୍ମନିର୍ଭରତା, ସୋସିଆଲ ମିଡ଼ିଆର ପ୍ରଭାବୀ ଉପଯୋଗ, କାର୍ଯ୍ୟ ପଦ୍ଧତି ଓ ସଂଗଠନ ସଂରଚନାରେ ଆମର ଭୂମିକା, ରାଜ୍ୟର ରାଜନୈତିକ ପୃଷ୍ଠଭୂମି ଏବଂ ଭାଜପା.ର ଭୂମିକା ଓ ଭାରତର ବୈଚାରିକ ମୁଖ୍ୟଧାରା – ଆମର ବିଚାର ଧାରା ସଂପର୍କରେ ବକ୍ତାମାନେ ନିଜ ନିଜ ମତଦାନ କରିଥିଲେ । ଏହି ଶିବିରରେ ବଲ୍ଲଭ ଧରୁଆ, ପଂକଜ ନାଗ, ଚତୁର୍ମୁଖ ମେହେର, ମାଧବ ଚନ୍ଦ୍ର ସାଏ, ପ୍ରମୋଦିନୀ ଭରାସାଗର, ଶ୍ରୀମତୀ ଡାଲିମ୍ବ ମେହେର, ମୁରଲୀ ତ୍ରିପାଠୀ, ରାଜେନ୍ଦ୍ର ଚିନ୍ଦା ଆଦି ବହୁ ଦଳୀୟ କର୍ମୀ ଯୋଗଦାନ କରିଥିଲେ । ବ୍ଲକ୍ ଅଧ୍ୟକ୍ଷ ଶ୍ରୀ ନାଏକ ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
