ପଦ୍ମପୁର, (ନିରୋଜ କୁମାର ପାଣୀ) : ଝାରବନ୍ଧ ବ୍ଲକ ଛତିଶଗଡ ସୀମାନ୍ତ ଛୋଟଅନକୀ ଗ୍ରାମର ଖେଳ ପଡିଆରେ ପୁଲିସର ଜନସମ୍ପର୍କ ଶିବିର ଅନୁଷ୍ଠିତ ହୋଇଯାଇଛି । ଓଡ଼ିଶା ଛତିଶଗଡ ସୀମା ଏହି ଗ୍ରାମ ପଞ୍ଚାୟତର ଜଙ୍ଗଲ ରାସ୍ତାରେ ମାଓବାଦୀ ମାନେ ଯିବା ଆସିବା କରୁଥିବାରୁ ଜନସାଧାରଣ ଭୟରେ ଜୀବନଯାପନ କରିଥାନ୍ତି । କିନ୍ତୁ ଏ ପର୍ୟ୍ୟନ୍ତ କୌଣସି ପ୍ରକାର ଅପ୍ରୀତିକର ଘଟଣା ଘଟିନାହିଁ । ତଥାପି ପୁଲିସ ପ୍ରତି ଆସ୍ଥା ପ୍ରକଟ ପାଇଁ ଏଠାରେ ଜନସମ୍ପର୍କ ଶିବିର ଆୟୋଜନ କରାଯାଇଛି । ଥାନା ଅଧିକାରୀ ଠାକୁର ଦାସ ମୁର୍ମୁ, ଏ ଏସ ଆଇ ବିନୋଦ କନ୍ଧେର, ଏସ ଆଇ ଦୀପକ ବାରିକଙ୍କ ପ୍ରତ୍ୟକ୍ଷ ତତ୍ୱାବଧାନରେ କାର୍ୟ୍ୟକ୍ରମ କରାଯାଇଥିଲା । ଏଥିରେ କ୍ରିକେଟ ଖେଳ, ଭଲିବଲ ଖେଳ, ସହ ଗ୍ରାମର ସମ୍ପ୍ରଦା ନୃତ୍ୟ, ବୀରବାଦ୍ୟ, ଛୋଟ ଛୁଆ ମାନଙ୍କର ନୃତ୍ୟ ପରିବେଷଣ ହୋଇଥିଲା । ସ୍ୱାସ୍ଥ୍ୟ ବିଭାଗର ଡା. ସୁନୀଲ କୁମାର ନାୟକ ଏବଂ ଷ୍ଟାଫ ସ୍ୱାସ୍ଥ୍ୟ ପରୀକ୍ଷା କରି ଔଷଧ ବଣ୍ଟନ କରିଥିଲେ । ଶିବିରରେ ବୃଦ୍ଧବୃଦ୍ଧାମାନଂକୁ କମ୍ବଳ, ଛାତ୍ରଛାତ୍ରୀ ମାନଙ୍କୁ ପାଠ୍ୟ ଉପକରଣ, ଯୁବ ଗୋଷ୍ଠୀଙ୍କୁ କ୍ରୀଡା ଉପକରଣ ଏବଂ ବାଦ୍ୟ ଯନ୍ତ୍ର ବଣ୍ଟନ କରିଥିଲେ । କାର୍ୟ୍ୟକ୍ରମରେ ରାମକୃଷ୍ଣ ପ୍ରଧାନ, ସତ୍ୟମ ପ୍ରଧାନ, ଜୟକୁମାର ପ୍ରଧାନ, ସମେତ ଗ୍ରାମର ସମସ୍ତ ଜନସାଧାରଣ ପୂର୍ଣ୍ଣ ସହଯୋଗ କରି ପୁଲିସ ପ୍ରତି ଆସ୍ଥା ପ୍ରକଟ କରିଥିଲେ ।