ରାଉରକେଲା, (ସସ୍ମିତା ପ୍ରଧାନ) : ସେକ୍ଟର ୧୬ ସ୍ଥିତ ଡିଏଭି ବିଦ୍ୟାଳୟରେ ବିଜ୍ଞାନ, ଗଣିତ ଓ ଚିତ୍ରାଙ୍କନ ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି । ଏହି ପ୍ରଦର୍ଶନୀରେ ପ୍ରଦତ୍ତ ବିଷୟକୁ ଆଧାର କରି ପ୍ରଥମରୁ ଦଶମଶ୍ରେଣୀ ଛାତ୍ରଛାତ୍ରୀ ସ୍ୱପ୍ରସ୍ତୁତ ଚାର୍ଟ, ମଡେଲ, ଛବି ଓ କ୍ରାଫ୍ଟ ସହ ବହୁ ସଂଖ୍ୟାରେ ଅଂଶଗ୍ରହଣ କରିଥିଲେ । ଆମନ୍ତ୍ରିତ ବିଚାରକ ଛାତ୍ରଛାତ୍ରୀଙ୍କ ପ୍ରସ୍ତୁତି ଓ ଉପସ୍ଥାପନାକୁ ଦୃଷ୍ଟିରେ ରଖି କୃତୀ ଛାତ୍ରଛାତ୍ରୀ ଚୟନ କରିଥିଲେ । ଏହା ସହ ବିଦ୍ୟାଳୟର ପ୍ରାଙ୍ଗଣରେ ନୃତ୍ୟ ଗୀତ ପ୍ରତିଯୋଗିତା ସହ ପୁସ୍ତକ ମେଳା ଅନୁଷ୍ଠିତ ହୋଇଥିଲା । ନୃତ୍ୟଗୀତ ପ୍ରତିଯୋଗିତାରେ ଅଂଶଗ୍ରହଣ ଛାତ୍ରଛାତ୍ରୀଙ୍କ ମଧ୍ୟରୁ କୃତି ଛାତ୍ରଛାତ୍ରୀଙ୍କ ଚୟନ ହୋଇଥିଲା । ଏପ୍ରକାର ପ୍ରଦର୍ଶନୀ ତଥା ପ୍ରତିଯୋଗିତା ଅନୁଷ୍ଠିତ ହେବାର ଉଦ୍ଦେଶ୍ୟ ଛାତ୍ରଛାତ୍ରୀଙ୍କ ଅନ୍ତର୍ନିହିତ ପ୍ରତିଭାର ସ୍ଫୁରଣ କରିବା । ପ୍ରଧାନ ଶିକ୍ଷୟତ୍ରୀ ଯଶବିନ୍ଦର କୌରଙ୍କ ତତ୍ତ୍ୱବଧାନରେ ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ତଥା ଅନ୍ୟାନ୍ୟ କର୍ମଚାରୀଙ୍କ ସହଯୋଗରେ ପ୍ରଦର୍ଶନୀ କାର୍ଯ୍ୟକ୍ରମ ଶାନ୍ତିଶୃଙ୍ଖଳାର ସହିତ ସମାପନ ହୋଇଥିଲା ।