ମାଲକାନଗିରି, (କେପିଏନ୍ଏସ୍) : ମାଲକାନଗିରି ନିକଟସ୍ଥ ଅବୁଝମାଡରେ ନକ୍ସଲ ଦମନର ପ୍ରତିଶୋଧ ନେବାକୁ ଯାଇ ଗତ ୬ ତାରିଖ ଅପରାହ୍ନରେ ଛତିଶଗଡ଼ ସୀମାନ୍ତ କାମ୍ବେଲି ଗ୍ରାମରେ ନକ୍ସଲମାନେ ଲ୍ୟାଣ୍ଡ ମାଇନ ବିଛାଇ ଦୁର୍ଘଟଣା ଘଟାଇଥିଲେ, ଯାହାର ଫଳ ସ୍ୱରୂପ ୮ ଜଣ ଯବାନ ନିହତ ହେବା ସହିତ ୮ ଜଣ ଗୁରୁତର ଭାବରେ ଆହତ ହେଇଥିଲେ । ଆହତ ମାନଙ୍କ ଆଶୁ ଆରୋଗ୍ୟ ଓ ସହିଦ ଯବାନମାନଙ୍କ ଅମର ଆତ୍ମାର ସଦଗତି ତଥା ସେମାନଙ୍କ ଶୋକାକୁଳ ପରିବାର ବର୍ଗଙ୍କ ସୁରକ୍ଷା କାମନା ପୂର୍ବକ ପୃଥ୍ଵୀରାଜ ହାଇସ୍କୁଲ ୭୭ ବ୍ୟାଚ୍ ସାମାଜିକ ସାଂସ୍କୃତିକ ସଂଘର ସଦସ୍ୟବୃନ୍ଦ ମାଁ ପାଟଣେଶ୍ୱରୀଙ୍କ ସାମ୍ନାରେ ସାମୂହିକ ଦୀପ ପ୍ରଜ୍ୱଳନ କରି ପ୍ରାର୍ଥନା କରିଥିଲେ । ଯବାନମାନଙ୍କ ପ୍ରତି କୃତଜ୍ଞତା ତଥା ସହିତତାର ପ୍ରତୀକ ଭାବରେ ଏହି କାର୍ଯ୍ୟକ୍ରମ କରାଯାଇଥିଲା । ସାମୂହିକ ଦୀପ ପ୍ରଜ୍ୱଳନ ତଥା ପ୍ରାର୍ଥନାର ଏହି ପର୍ବରେ ସର୍ବଶ୍ରୀ ବ୍ରଜ ବନ୍ଧୁ ସାଏ, ଡାକ୍ତର ସୁକାନ୍ତ ପୁରୋହିତ, ମୋହନ ଗୋପାଳ ପଣ୍ଡା, ଆଦିତ୍ୟ ନାରାୟଣ ପଟ୍ଟନାୟକ, ଭଗବାନ ବଗର୍ତ୍ତି, ହରେରାମ ପାଣିଗ୍ରାହୀ ଓ ପ୍ରଦୀପ ମିଶ୍ର ସାମିଲ ଥିଲେ ।