ରାଜ୍ୟସଭାରେ ଅପରେସନ ସିନ୍ଦୂର ସ୍ୱତନ୍ତ୍ର ଆଲୋଚନା ପ୍ରସଙ୍ଗରେ : ସାଂସଦ ଶ୍ରୀ ବିଶିଙ୍କ ଗୁରୁତ୍ୱପୂର୍ଣ୍ଣ ମନ୍ତବ୍ୟ
ନୂଆଦିଲ୍ଲୀ : ଜାମ୍ମୁ କାଶ୍ମୀରର ପହଲଗାମରେ ଆତଙ୍କବାଦୀ ଆକ୍ରମଣର ଜବାବରେ ଭାରତର ଦୃଢ଼, ସଫଳ, ନିର୍ଣ୍ଣାୟକ “ଅପରେସନ୍ ସିନ୍ଦୂର” ଉପରେ ସ୍ୱତନ୍ତ୍ର ଆଲୋଚନା ସମୟରେ, ଆଜି ସାଂସଦ (ରାଜ୍ୟସଭା) ନିରଞ୍ଜନ ବିଶି ଅପରେସନ ସମୟରେ ପ୍ରାଣବଳି ଦେଇଥିବା ସମସ୍ତ ସହିଦ ସୈନିକ ଏବଂ ସାମରିକ କର୍ମଚାରୀଙ୍କ ପ୍ରତି ଏବଂ ଆତଙ୍କବାଦୀ ଆକ୍ରମଣରେ ମୃତ ୨୬ ଜଣ ନିର୍ଦ୍ଦୋଶ ପର୍ଯ୍ୟଟକଙ୍କ ପ୍ରତି, ଯେଉଁଥିରେ ଓଡ଼ିଶାର ବାଲେଶ୍ୱରର ପ୍ରଶାନ୍ତ କୁମାର ସତପଥୀ ମଧ୍ୟ ସାମିଲ ଥିଲେ, ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏହା ସହିତ, ସାଂସଦ ଶ୍ରୀ ବିଶି ଭାରତୀୟ ସଶସ୍ତ୍ର ବାହିନୀର ସମସ୍ତ ସଦସ୍ୟ – ସ୍ଥଳସେନା, ନୌସେନା ଏବଂ ବାୟୁସେନାଙ୍କୁ ସେମାନଙ୍କର ଅସୀମ ଧର୍ଯ୍ୟ ପରାକ୍ରମ, ଅଦମ୍ୟ ସାହସ, ଅଟଳ ସମର୍ପଣ, ତ୍ୟାଗ ଏବଂ ଦେଶର ସାର୍ବଭୌମତ୍ୱ ଏବଂ ଅଖଣ୍ଡତାକୁ ରକ୍ଷା କରିବା ପାଇଁ ନିଷ୍ଠୁର ପ୍ରତିବଦ୍ଧତା ପାଇଁ ତାଙ୍କର ଆନ୍ତରିକ କୃତଜ୍ଞତା ଜଣାଇଥିଲେ । ଶ୍ରୀ ବିଶି ଉଲ୍ଲେଖ କରିଥିଲେ ଯେ ତାଙ୍କ ଦଳ, ବିଜୁ ଜନତା ଦଳ (ବିଜେଡି), ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ, ସାରା ଓଡ଼ିଶାରେ ତିରଙ୍ଗା ଶୋଭାଯାତ୍ରା କାର୍ଯ୍ୟକ୍ରମ ଆୟୋଜନ କରି ସଶସ୍ତ୍ର ବାହିନୀକୁ ଦୃଢ଼ ନୈତିକ ସମର୍ଥନ ପ୍ରଦାନ କରିଥିଲେ, ଯାହାର ଲକ୍ଷ୍ୟ ସୈନିକଙ୍କ ମନୋବଳ ବୃଦ୍ଧି କରିବା ଏବଂ ଦେଶପ୍ରେମୀ ଭାବନାରେ ନାଗରିକମାନଙ୍କୁ ଏକତ୍ରିତ କରିବା । ଭାରତର ଗଣତାନ୍ତ୍ରିକ ମୂଲ୍ୟବୋଧକୁ ପୁନର୍ବାର ଦୃଢ଼ କରି ଶ୍ରୀ ବିଶି କହିଥିଲେ, “ଭାରତ ହେଉଛି ଗଣତନ୍ତ୍ରର ଜନନୀ,ଏବଂ ପାକିସ୍ତାନ ଆତଙ୍କବାଦର ଜନନୀ ପାଲଟିଛି । ” ଶ୍ରୀ ବିଶି ଆହୁରି କହିଥିଲେ ଯେ ଅପରେସନ ସିନ୍ଦୁର ବିଶ୍ୱକୁ ଭାରତର ଏକତା, ଅଖଣ୍ଡତା, ଦଳଗତ କାର୍ଯ୍ୟ ଏବଂ ସାମୂହିକ ସଂକଳ୍ପର ଶକ୍ତିର ଜ୍ୱଳନ୍ତ ଉଦାହରଣ ବୋଲି କହିଥିଲେ । ଶ୍ରୀ ବିଶି ଆହୁରି କହିଛନ୍ତି ଯେ ପାକିସ୍ତାନ ଅମୃତସର ଚୁକ୍ତି, କରାଚୀ ଚୁକ୍ତି, ଦିଲ୍ଲୀ ଚୁକ୍ତି ଏବଂ ସିମଲା ଚୁକ୍ତି ସମେତ ଅନେକ ଐତିହାସିକ ଚୁକ୍ତି ଏବଂ ଚୁକ୍ତିନାମା ଉଲ୍ଲଂଘନ କରିଛି । ଏହା ସହିତ, ଶ୍ରୀ ବିଶି ଗୁରୁତ୍ୱାରୋପ କରିଥିଲେ ଯେ ଅପରେସନ ସିନ୍ଦୂର ପ୍ରମାଣିତ କରିଛି ଯେ ଜାତି, ଧର୍ମ, ବର୍ଣ୍ଣ ଭାଷା, କିମ୍ବା ରାଜନୈତିକ ଦଳୀୟ ପାର୍ଥକ୍ୟ ସତ୍ତ୍ୱେ, ଭାରତବାସୀ କିପରି ଏକ ହୋଇ ନିଜ ମାତୃଭୂମିକୁ ରକ୍ଷା କରନ୍ତି ତାହା ବଣ୍ଣ୍ଣାନା କରିଥିଲେ । ଏହି ଅପରେସନ ସିନ୍ଦୁର ଦ୍ୱାରା ୧୪୦ କୋଟି ଭାରତୀୟଙ୍କ ପାଇଁ ଗର୍ବର ବିଷୟ ଏବଂ ଏହା ଜାତିର ଆତ୍ମା, ସାହସ, ଏକତା ଏବଂ ଅଖଣ୍ଡତାକୁ ପ୍ରତିଫଳିତ କରିଛି ବୋଲି ମତ ପ୍ରକାଶ କରିଥିଲେ । ଶେଷରେ ସାଂସଦ ଶ୍ରୀ ବିଶି କହିଥିଲେ ଯେ ଅପରେସନ ସିନ୍ଦୂରର ଯୁଦ୍ଧବିରାମ ହୋଇଛି ବନ୍ଦ ହୋଇନାହିଁ । ଅପରେସନ ସିନ୍ଦୁର ସମ୍ପର୍କରେ ଶ୍ରୀ ବିଶି ସତର୍କ କରାଇ ଦେଇଥିଲେ ଯେ ଯେକୌଣସି ସମୟରେ ଅପରେସନ ପୁଣି ଥରେ ଆରମ୍ଭ ହୋଇପାରେ । ଯୁଦ୍ଧକାଳୀନ ଭିତ୍ତିରେ ସମସ୍ତ ଖାଲି ପଦବୀ ପୂରଣ କରି ସଶସ୍ତ୍ର ବାହିନୀକୁ ମଜବୁତ କରିବାକୁ ଶ୍ରୀ ବିଶି ସରକାରଙ୍କୁ ଅନୁରୋଧ କରିଥିଲେ, ଭାରତୀୟ ସେନାରେ ପ୍ରାୟ ୭,୭୯୯ ଅଧିକାରୀ ପଦବୀ ଏବଂ ୧୦୮,୬୮୫ ସୈନିକ ପଦବୀ । ଭାରତୀୟ ନୌସେନାରେ ପ୍ରାୟ ୧,୪୪୬ ଅଧିକାରୀ ପଦବୀ ଏବଂ ୧୨,୧୫୧ ନାବିକ ପଦବୀ । ଭାରତୀୟ ବାୟୁସେନାରେ ପ୍ରାୟ ୫୭୨ ଅଧିକାରୀ ପଦବୀ ଏବଂ ୫,୨୧୭ ଏୟାରମ୍ୟାନ ପଦବୀ ଖାଲି ପଡିଛି ଏହାକୁ ତୁରନ୍ତ ପୂରଣ କରିବା ଦିଗରେ ସରକାର ଯତ୍ନବାନ ହେବା ଉଚିତ । ଶ୍ରୀ ବିଶି ପାକିସ୍ତାନ ଅଧିକୃତ କାଶ୍ମୀର (ପିଓକେ)କୁ ପୁନରୁଦ୍ଧାର କରିବା ପାଇଁ ନିର୍ଣ୍ଣାୟକ ପଦକ୍ଷେପ ନେବାକୁ ସରକାରଙ୍କୁ ଅନୁରୋଧ କରିଥିଲେ ।
