କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : କଳାହାଣ୍ଡି ଜିଲ୍ଲା ଭବାନୀପାଟଣା ବାର ଆସୋସିଏସନର ନିର୍ବାଚନ ଆଜି ଶାନ୍ତି ଶୃଙ୍ଖଳା ସହ ସମାପ୍ତ ହୋଇଛି । ଏହି ନିର୍ବାଚନରେ ବାର ଆସୋସିଏସନର ସଭାପତି ତଥା ବରିଷ୍ଠ ଆଇନଜୀବୀ ସୁଧାଂଶୁ କୁମାର ନନ୍ଦ ଦ୍ଵିତୀୟ ଥର ପାଇଁ ପୁନର୍ବାର ସଭାପତି ଭାବେ ନିର୍ବାଚିତ ହୋଇଥିବାବେଳେ ତାଙ୍କ ସମର୍ଥକଙ୍କ ମହଲରେ ବେଶ ଉତ୍ସାହ ଦେଖିବାକୁ ମିଳିଛି । ସମ୍ପାଦକ ଭାବେ ଆଇନଜୀବୀ ଅଶୋକ କୁମାର ପଟ୍ଟନାୟକ ଏବଂ ସହ ସମ୍ପାଦକ ଭାବେ ସରଣୀ ବେମାଲ ନିର୍ବାଚିତ ହୋଇଛନ୍ତି । ସେଭଳି ବରିଷ୍ଠ କାର୍ଯ୍ୟକାରିଣୀ ସଦସ୍ୟ ଭାବେ ଜୟନ୍ତ କୁମାର ମୁଣ୍ଡ, ପ୍ରଶାନ୍ତ କୁମାର ବାରିକ, ଲୋକନାଥ ନାଏକ ଏବଂ ସୌମେନ୍ଦ୍ର ଚାନ୍ଦ ନିର୍ବାଚିତ ହୋଇଛନ୍ତି । ଅପ୍ରତିଦ୍ୱନ୍ଦି ଉପ ସଭାପତି ଭାବେ ଆଇନଜୀବୀ ଗଣେଶ୍ୱର ପଟ୍ଟନାୟକ କୋଷାଧ୍ୟକ୍ଷ ଭାବେ ମହେଶ ପ୍ରସାଦ ମହାପାତ୍ର ଏବଂ କନିଷ୍ଠ କାର୍ଯ୍ୟକାରିଣୀ ସଦସ୍ୟ ଭାବେ ଇଲା ସେଲମା, ନୀଳାଞ୍ଚଳ ସ୍ୱାଇଁ, ପ୍ରବୀଣ କୁମାର ବିହାରୀ ଅପ୍ରତିଦ୍ୱନ୍ଦି ଭାବେ ନିର୍ବାଚିତ ହୋଇଛନ୍ତି । ନିର୍ବାଚନ ଅଧିକାରୀ ଭାବେ ବରିଷ୍ଠ ଆଇନଜୀବୀ ମାନସ ରଞ୍ଜନ ମହାନ୍ତି ଭବାନୀପାଟଣା ବାର ଆସୋସିଏସନର ନିର୍ବାଚନ ପରିଚାଳନା କରିଥିଲେ ।