ରାଉରକେଲା, (ସସ୍ମିତା ପ୍ରଧାନ) : ନାଟ୍ୟାନୁଷ୍ଠାନ ସ୍ପନ୍ଦନ ଆୟୋଜିତ ୧୯ତମ ଶିଶୁମହୋତ୍ସବରେ ସେକ୍ଟର -୫ ସ୍ଥିତ ଶ୍ରୀ ଅରବିନ୍ଦ ରାଉରକେଲା ସ୍କୁଲର ଛାତ୍ରଛାତ୍ରୀମାନେ ନାଟକ ‘ବନ୍ଧନ’ ପରିବେଷଣ କରିଥିଲେ । ବିଦ୍ୟାଳୟର ଶିକ୍ଷୟିତ୍ରୀ ଶ୍ରୀମତୀ ଗୀତାରାଣୀ ବେହେରାଙ୍କ ଦ୍ୱାରା ରଚିତ ଓ ନିର୍ଦ୍ଦେଶନାରେ ଏହି ନାଟକ ପରିବେଷଣ କରାଯାଇଥିଲା । ନାଟକଟି ବିଚାରକଙ୍କ ଦ୍ଵାରା ପ୍ରଶଂସିତ ହୋଇ ଛାତ୍ର ଅମନ ବେହେରା ଦ୍ୱିତୀୟ ଶ୍ରେଷ୍ଠ ଅଭିନେତା, ସଂଗୀତରେ ଦ୍ୱିତୀୟ ସ୍ଥାନ ଓ ଜୁରୀଙ୍କ ଦ୍ୱାରା ସହ ଅଭିନେତ୍ରୀ ଭାବେ ପୁରସ୍କୃତ ହୋଇଥିଲେ । ଏହା ବିଦ୍ୟାଳୟ ଓ ଅଭିବାବକ ମହଲରେ ଆନନ୍ଦର ଲହରି ଖେଳାଇ ଦେଇଛି । ବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ଅଞ୍ଜଳି ଶତପଥି ଏହି ପୁରସ୍କାର ଛାତ୍ରଛାତ୍ରୀଙ୍କ ନାଟକ ପ୍ରତି ସମର୍ପିତ ଭାବକୁ ଦର୍ଶାଇବା ସହ ଏହା ଅନ୍ୟମାନଙ୍କ ପାଇଁ ଉଦାହରଣ ହେବ ବୋଲି ମତ ରଖିବା ସହ କମିଟି ମେମ୍ବର ଓ ଶିକ୍ଷକ, ଶିକ୍ଷୟିତ୍ରୀ ମାନେ ଏଥିପାଇଁ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି ।