ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାର ଗୀତିକବି ଭାବେ ବେଶ୍ ଜଣାଶୁଣା ଯୁବ କବି ଅର୍ଜୁନ କୁମାର ସାହୁ ଚଳିତ ବର୍ଷ ଓସାକା ହାଇଦ୍ରାବାଦ୍ରେ ହୋଇଥିବା ନୂଆଁଖାଇ ଭେଟ୍ଘାଟ୍ ଅବସରରେ ଯୁବ ବହୁମୂଖୀ ପ୍ରତିଭାରେ ସମ୍ମାନିତ ହୋଇ ଜିଲ୍ଲାର ନାମକୁ ଗୌରବାନ୍ୱିତ କରିଛନ୍ତି । ସେ ହାଇଦ୍ରାବାଦରୁ ଫେରିବା ପରେ ତାଙ୍କ ମହିଳା ମହାବିଦ୍ୟାଳୟ ଛକ ଘରେ ତହଁକ୍ କୁଟୁମ୍ ତରଫରୁ ରାଜେଶ ଦଣ୍ଡସେନା, ଶ୍ରୀୟାକାନ୍ତ ଦାଶ, ଭାସ୍କର ପଧାନ, ହିମାଂଶୁ କୁମ୍ଭାର ପ୍ରମୁଖ ଉପସ୍ଥିତ ରହି କବିଙ୍କୁ ଶୁଭେଚ୍ଛା ଓ ସମ୍ବର୍ଦ୍ଧନା ଦେଇଥିଲେ । ତାଙ୍କ ସହିତ ତାଙ୍କ ମା’, ସ୍ତ୍ରୀ ଏବଂ ପୁଅ ଉପସ୍ଥିତ ରହିଥିଲେ ।