ରାଉରକେଲା, (ସସ୍ମିତା ପ୍ରଧାନ) : ବାପି ଦା ଫ୍ୟାନ୍ସ କ୍ଲବ ତରଫରୁ ପ୍ରଖ୍ୟାତ ଗାୟକ ବାପି ଲାହିରୀଙ୍କ ସ୍ମୃତି ଉଦ୍ଦେଶ୍ୟରେ ଏକ ସଂଗୀତ ଭିତ୍ତିକ କାର୍ଯ୍ୟକ୍ରମ ରାଉରକେଲା କ୍ଲବ ଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷ ଜିତେନ୍ଦ୍ର ପ୍ରସାଦଙ୍କ ଅଧ୍ୟକ୍ଷତା, ସଭାପତି ଜଗନ୍ନାଥ ସାହୁ ଓ ସାଧାରଣ ସମ୍ପାଦକ ସତ୍ୟବ୍ରତ ମହାନ୍ତିଙ୍କ ଆବାହକତ୍ଵରେ ଆୟୋଜିତ ଏହି କାର୍ଯ୍ୟକ୍ରମରେ ଆର୍ଏସ୍ପିର ସିଜିଏମ୍ ଏସ୍ ଏସ୍ ରାୟଚୌଧୁରୀ ମୁଖ୍ୟଅତିଥି, ଆର୍ଏସ୍ପିର ମହାପ୍ରବନ୍ଧକ ଅବକାଶ ବେହେରା ସମ୍ମାନିତ ଅତିଥି, ସାମ୍ବାଦିକ ମନୋରଞ୍ଜନ ଦାଶ ସ୍ୱତନ୍ତ୍ର ଅତିଥି ଓ ଶୁଭେଚ୍ଛୁ ଭାବେ ଆର୍ଏସ୍ପି ଡିଜିଏମ୍ ବିନୟ ପ୍ରଭାତ କେରକେଟା ପ୍ରମୁଖ ଯୋଗଦେଇ ର୍କ୍ୟାକ୍ରମକୁ ପ୍ରଶଂସା କରିଥିଲେ । ଏହି ଅବସରରେ ବାପି ଲାହିରୀଙ୍କ ସ୍ମୃତି ଉଦ୍ଦେଶ୍ୟରେ ‘କଭି ଅଲବିଦା ନା କେହେନା’ କାର୍ଯ୍ୟକ୍ରମରେ କଣ୍ଠଶିଳ୍ପୀ ମନୋରଞ୍ଜନ ଦାଶ, ସଂଗୀତା ପାତ୍ର, ଜଗନ୍ନାଥ ସାହୁ, ସତ୍ୟବ୍ରତ ମହାନ୍ତି, ରୀନା କଦମୱଲା, ବବି ସାହୁ, ସନ୍ତୋଷ ଦାସ, ତପନ ନାୟକ, ପ୍ରଦୀପ ମାହାନ୍ତ, ସୋମା ରାୟଚୌଧୁରୀ ଓ ଏସ୍ ଏସ୍ ରାୟଚୌଧୁରୀ ପ୍ରମୁଖ ବାପି ଦା ଗାଇଥିବା ଓ ନିର୍ଦ୍ଦେଶନା ଦେଇଥିବା ଓଡ଼ିଆ ଓ ହିନ୍ଦୀ ସିନେମାରେ ଗୀତ ଗୁଡ଼ିକୁ ଗାୟନ କରିଥିଲେ । ଏହି କାର୍ଯ୍ୟକ୍ରମରେ ଶତାଧିକ ସଂଖ୍ୟାରେ ବାପି ଦାଙ୍କୁ ଭଲପାଉଥିବା ସଂଗୀତ ପ୍ରେମୀ ମାନେ ଉପସ୍ଥିତ ଥିଲେ ।