ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ଓକିଲ ସଂଘ ନିର୍ବାଚନ ଫଳାଫଳ ପ୍ରକାଶ ପାଇଛି । ଏଥିରେ ସମସ୍ତ ପ୍ରାର୍ଥୀ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି । ବରିଷ୍ଠ ଆଇନଜୀବୀ ରାମରତନ ପୁରୋହିତ ସଭାପତି ଭାବେ ନିର୍ବାଚିତ ହୋଇଥିବା ବେଳେ ସୁନିଲ କୁମାର ପାଣିଗ୍ରାହୀ ଉପସଭାପତି, ଚିନ୍ମୟ କୁମାର ପଣ୍ଡା ସମ୍ପାଦକ, ଲକ୍ଷ୍ମଣ ସାହୁ ଉଭୟ ଯୁଗ୍ମ ସମ୍ପାଦକ ଓ କୋଷାଧ୍ୟକ୍ଷ, ରୋହିତ କୁମାର ଭୋଇ ସହସମ୍ପାଦକ ଭାବରେ ନିର୍ବାଚିତ ହୋଇଛନ୍ତି । ରାଧାବଲ୍ଲଭ ପାଣିଗ୍ରାହୀ, ଗୌନ୍ତିଆ କୁମାର ସାହୁ, ପରମେଶ୍ୱର ସାହୁ, ବିଭୂତି ଭୂଷଣ ଦାଶ, କିଶୋର କୁମାର ମେହେର, ପ୍ରଦୀପ କୁମାର ସାହୁ କାର୍ଯ୍ୟକାରିଣୀ କମିଟି ସଭ୍ୟ ଭାବେ ନିର୍ବାଚିତ ହୋଇଥିବା ଜଣାପଡ଼ିଛି । ନିର୍ବାଚିତ ପରେ ସଭାପତି ଶ୍ରୀ ପୁରୋହିତ ପଦ୍ମପୁର ବାର ଏସୋସିଏସନର ମର୍ଯ୍ୟାଦା ବଢ଼ାଇବା ସହ ଓକିଲ ମାନଙ୍କ ନ୍ୟାର୍ଯ୍ୟ ଅଧିକାର ଓ ବାରର ଉନ୍ନତି ଏବଂ ଅଞ୍ଚଳର ସମସ୍ୟାକୁ ଓକିଲ ସଂଘ ସଦା ସର୍ବଦା କାର୍ଯ୍ୟ କରିବ ବୋଲି ପ୍ରକାଶ କରିଛନ୍ତି । ଏହା ସହ ଲୋକ ମାନେ କିଭଳି ଭାବରେ ଉପଯୁକ୍ତ ନ୍ୟାୟ ପାଇପାରିବେ ସେଥି ପ୍ରତି ଓକିଲ ସଂଘ ଯତ୍ନବାନ ରହିବ ବୋଲି କହିଛନ୍ତି । ତେବେ ନବ ନିର୍ବାଚିତ ସଦସ୍ୟ ମାନଙ୍କୁ ସମସ୍ତ ଓକିଲ, ବୁଦ୍ଧିଜୀବୀ ଏବଂ ବିଭିନ୍ନ ମହଲରୁ ଶୁଭେଚ୍ଛା ଜଣାଇଛନ୍ତି ।