ବଲାଙ୍ଗିର ଜିଲ୍ଲାରେ ସମବାୟ ବିଭାଗ ଆନୁକୂଲ୍ୟରେ ଆନ୍ତର୍ଜାତିକ ସମବାୟ ବର୍ଷ ୨୦୨୫ ପାଳନ ଅବସରରେ ଜିଲ୍ଲାସ୍ତରୀୟ ସମ୍ମିଳନୀ
ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାରେ ସମବାୟ ବିଭାଗ ଆନୁକୂଲ୍ୟରେ ଆନ୍ତର୍ଜାତିକ ସମବାୟ ବର୍ଷ ୨୦୨୫ ପାଳନ ଅବସରରେ ମାର୍ଚ୍ଚ ମାସ ପାଇଁ ଜିଲ୍ଲାସ୍ତରୀୟ ସମ୍ମିଳନୀ ଉପନିବନ୍ଧକ ସମବାୟ ସମିତି ସମୂହ ବଲାଙ୍ଗିର ବିଭାଜନ, ବଲାଙ୍ଗିରଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ବଲାଙ୍ଗିର ଜିଲ୍ଲାପାଳ ଗୌରୱ ଶିୱାଜି ଇସଲୱାର ମୁଖ୍ୟ ଅତିଥି ରୂପରେ ଯୋଗଦେଇ ବଲାଙ୍ଗିରକୁ ଏକ ଆକାଂକ୍ଷି ଜିଲ୍ଲାରୁ ବିକଶିତ ଜିଲ୍ଲାରେ ପରିଣତ କରିବା ପାଇଁ ସମବାୟ ଏକ ସେତୁ ସଦୃଶ କାମ କରିବ ବୋଲି ଆଲୋକପାତ କରିବା ସହ ଏହି କାର୍ଯ୍ୟକ୍ରମର ବିଷୟବସ୍ତୁ “ନାରୀ ସଶକ୍ତିକରଣରେ ସମବାୟର ଭୂମିକା” ଉପରେ ଦିଗ୍ ଦର୍ଶନ କରିବା ସହିତ ବଲାଙ୍ଗିର ଜିଲ୍ଲାର ସମସ୍ତ ବିଭାଗ ମିଳିମିଶି କାର୍ଯ୍ୟ କରିବା ପାଇଁ ଆହ୍ଵାନ ଦେଇଥିଲେ । ସମ୍ମାନିତ ଅତିଥି ଭାବରେ ବିକେଏନ୍ ଦୁଗ୍ଧ ସଂଘର ସଭାପତି ଶ୍ରୀମତୀ ସୀମା ପଟେଲ ଏବଂ ବଲାଙ୍ଗିର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କର ସଭାପତି ସ୍ମାରକ ରଞ୍ଜନ ମିଶ୍ର ଯୋଗଦେଇ ମହିଳାମାନଙ୍କ ଉନ୍ନତି ନିମନ୍ତେ ସମସ୍ତ ସୁବିଧା ସୁଯୋଗ ଯୋଗାଇଦେବା ପାଇଁ ପ୍ରତିଶ୍ରୁତି ଦେଇଥିଲେ । ବରେଣ୍ୟ ଅତିଥି ମଧ୍ୟରେ ଜିଲ୍ଲା ମୁଖ୍ୟ କୃଷି ଅଧିକାରୀ ବାବୁଲି ଚରଣ ସେଠୀ, ଜିଲ୍ଲାମୁଖ୍ୟ ମତ୍ସ୍ୟ ଅଧିକାରୀ ଉମେଶ କୁମାର ଧରୁଆ, ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ଼ଃ ଅଞ୍ଜନ କୁମାର ଦାସ , ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ହରିଶ ଚନ୍ଦ୍ର ଦାସ, ଯୋଗାଣ ନିରୀକ୍ଷକ ଉଷାରାଣୀ ମହାନନ୍ଦ, ସହକାରୀ ଉଦ୍ୟାନ କୃଷି ଅଧିକାରୀ ସୁଶ୍ରୀ ଗୀତିକ୍ରୀଷ୍ଣା ନାୟକ ଯୋଗଦେଇ ମହିଳାମାନଙ୍କ ପାଇଁ ଉଦ୍ଧିଷ୍ଟ ସଂପୃକ୍ତ ବିଭାଗର ବିଭିନ୍ନ ସରକାରୀ ଯୋଜନାର ରୂପରେଖ ଉପସ୍ଥାପନ କରିଥିଲେ । କାର୍ଯ୍ୟକ୍ରମର ମୁଖ୍ୟବକ୍ତା ଭାବରେ ସମବାୟ ସମିତି ସମୂହ ବଲାଙ୍ଗିରର ଉପନିବନ୍ଧକ ପ୍ରମୋଦ କୁମାର ବରିହା “ନାରୀ ସଶକ୍ତିକରଣ” ର ପରିପ୍ରେକ୍ଷୀରେ ସମବାୟ ସମିତିର ପରିଚାଳନା ପରିଷଦରେ ମହିଳାମାନେ ସକ୍ରିୟ ଭୂମିକା ଗ୍ରହଣ କରିବା ପାଇଁ ଆହ୍ୱାନ ଦେଇଥିଲେ । ଏହି ଅବସରରେ ବଲାଙ୍ଗିର ମଣ୍ଡଳର ବରିଷ୍ଠ ସହକାରୀ ନିବନ୍ଧକ ଗାବ୍ରିଏଲ ସୋରେଙ୍ଗ, ପାଟଣାଗଡ ସହକାରୀ ନିବନ୍ଧକ ରଥ ହେମ୍ବ୍ରମ୍, ବଲାଙ୍ଗିର ସହକାରୀ ନିବନ୍ଧକ ରାଧାକୃଷ୍ଣ ମେହେର, ରବୀନ୍ଦ୍ର କୁମାର ପଣ୍ଡା ସହ ଉପସହକାରୀ ନିବନ୍ଧକ ଅମିତ ଟେଟେ ସମବାୟ ନିରୀକ୍ଷକ ନିମାଇଁ ଚରଣ ବେହେରା, ଗୋବିନ୍ଦ ବେହେରା, ବ୍ରବିମ୍ କୁମାର୍ ନାଏକ ଉପସ୍ଥିତ ଥିଲେ । ସମବାୟ ନିରୀକ୍ଷକ ସୁଶ୍ରୀ ସମିଧା ଅଗ୍ରୱାଲ ମଞ୍ଚ ପରିଚାଳନା କରିବା ସହ ଉପସହକାରୀ ନିବନ୍ଧକ ବିଶ୍ଵ ମୋହନ ବାରିକ ଧନ୍ୟବାଦ ଅର୍ପଣ କରିଥିଲେ । ବଲାଙ୍ଗିର ଜିଲ୍ଲାର କୋଣ ଅନୁକୋଣରୁ ପ୍ରାୟ ୩୦୦ରୁ ଅଧିକ ପରିଚାଳନା ସମିତିର ସଦସ୍ୟ ତଥା ପ୍ରାଥମିକ କୃଷି ସମବୟ ସମିତିର ସଭ୍ୟସଭ୍ୟା ତଥା ମହିଳା ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଯୋଗଦେଇ ଏହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ ଏବଂ ଆଶୁତୋଷ ସ୍ୱୟଂ ସହାୟକ ଗୋଷ୍ଠୀକୁ ଜିଲ୍ଲାର ଶ୍ରେଷ୍ଠ ଡ଼ବ୍ଲୁଏସ୍ଏଚ୍ଜି ହିସାବରେ ପୁରସ୍କୃତ କରାଯାଇଥିଲା ।