ରାଉରକେଲା, (ସସ୍ମିତା ପ୍ରଧାନ) : ବୌଦ୍ଧ ମାଟିରେ ଆତ୍ମ ପ୍ରକାଶ କରିଥିବା ଶିକ୍ଷା, ସାହିତ୍ୟ ଓ ସଂସ୍କୃତି ଭିତ୍ତିକ ପତ୍ରିକା “‘ଜ୍ଞାନ ପ୍ରକାଶ”ର ସପ୍ତମ ବାର୍ଷିକ ଉତ୍ସବରେ କବି ସୁଶାନ୍ତ କୁମାର ନାୟକଙ୍କୁ “ଜ୍ଞାନ ପ୍ରକାଶ ସାହିତ୍ୟ ସମ୍ମାନ ୨୦୨୩” ସମ୍ମାନରେ ସମ୍ବର୍ଦ୍ଧିତ କରିଥିବା ବେଳେ ନିରୁପମା ପତି, ଗୀତାରାଣୀ ବେହେରା, ସୁପ୍ତି କର, କନକଲତା ମିଶ୍ର, ହରପ୍ରିୟା ସାମଲ, ସୁଚିସ୍ମିତା ପଣ୍ଡା, ସୁକାନ୍ତୀ ଦାସ, ବବିତା ମହାଳିକ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା । ଫଳରେ କବି ମାନଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଛି । ଭୁବନେଶ୍ୱର ସ୍ଥିତ ଜୟଦେବ ଭବନ ଠାରେ ଆୟୋଜିତ ଏହି ବର୍ଣ୍ଣାଢ଼୍ୟ ଉତ୍ସବରେ ମୁଖ୍ୟ ଅତିଥି ଭାବରେ ଅବସରପ୍ରାପ୍ତ ଅଗ୍ନି ନିର୍ବାପକ ଅଫିସର ମହେଶ୍ଵର ସ୍ବାଇଁ ଯୋଗଦାନ କରିଥିଲା ବେଳେ ସମ୍ମାନିତ ଅତିଥି ଭାବରେ ପ୍ରଫେସର ଡଃ ଲକ୍ଷ୍ମୀଧର ବେହେରା, ଚିତ୍ତରଞ୍ଜନ ପାଣିଗ୍ରାହୀ, ରାଜେନ୍ଦ୍ର ମେହେର ପ୍ରମୁଖ ଯୋଗଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରତିଷ୍ଠାତା ଜ୍ଞାନଚାନ୍ଦ ଶତପଥୀ, ସମ୍ପାଦକ ସରୋଜ କୁମାର ସାହୁ, କଣ୍ଠଶିଳ୍ପୀ ଶୈଳଭାମା ଏବଂ ସହ ସମ୍ପାଦିକା ଅମ୍ବିକା ସ୍ବାଇଁ ମଞ୍ଚାସୀନ ଥିଲେ ।