ରାଉରକେଲା, (ସସ୍ମିତା ପ୍ରଧାନ) : ସ୍ଥାନୀୟ ସିଭିକ ସେଣ୍ଟରଠାରେ ମେଟ୍ରୋ ଟିଭି ତରଫରୁ ଏକ ସମ୍ବର୍ଦ୍ଧନା ମହୋତ୍ସବ ପାଳିତ ହୋଇଯାଇଛି । ଉକ୍ତ ସମ୍ବର୍ଦ୍ଧନା ଉତ୍ସବରେ ରାଉରକେଲାର ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ବ୍ୟକ୍ତି ବିଶେଷଙ୍କୁ ଏକଜୁଟ କରାଯାଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ରକ୍ତଦାନକୁ ମହତ ଦାନ ରୂପେ ପାଥେୟ କରି କିଛି ବ୍ୟକ୍ତି ବିଶେଷ ତାଙ୍କ ଜୀବନ କାଳରେ ରକ୍ତଦାନକୁ ସର୍ବାଗ୍ରେ ରଖି ସମାଜ ପାଇଁ ସେବା ଦେଇ ଆସୁଥିବାରୁ ସେମାନଙ୍କୁ ବିଶେଷ ସମ୍ବର୍ଦ୍ଧନା ଦିଆଯାଇଥିଲା । ତନ୍ମଧ୍ୟରୁ ଜଣେ ବ୍ୟକ୍ତି ବିଶେଷ ଥିଲେ ଆଲୋକ ଜେନା । ପ୍ରକାଶ ଥାଉକି ଚଳିତ ବର୍ଷରେ ସେ ୫୦ ଥର ରକ୍ତଦାନ କରି ଏକ ବିଶେଷ ମାନ୍ୟର ଅଧିକାରୀ ହୋଇ ପାରିଛନ୍ତି । ବନ୍ଧୁ ବତ୍ସଳ, ପରୋପକାରିତା ତଥା ମିଷ୍ଟଭାଷୀ ଭାବରେ ବିଭିନ୍ନ ସଂଗଠନ ଆଲୋକ ଜେନାଙ୍କୁ ବିଭିନ୍ନ ପଦରେ ବିଭୂଷିତ କରିଛନ୍ତି ଯଥା ୟୁଥ ମୁଭମେଣ୍ଟ, ରାଉରକେଲାର ସାଂସ୍କୃତିକ ସହଯୋଗୀ, ରୋଜା ନୃତ୍ୟାନୁଷ୍ଠାନର ନିର୍ଦ୍ଦେଶକ ଓ ଆସ୍ଥାର ମୁଖ୍ୟ ସଂସ୍ଥାପକ ତଥା ସାଧାରଣ ସମ୍ପାଦକ ଭାବରେ ଦାୟିତ୍ଵ ନିଭାଉଛନ୍ତି ।