ବଲାଙ୍ଗିର, (କେପିଏନ୍ଏସ୍) : ବିଶ୍ୱ ବନ ଦିବସ ୨୦୨୩ ଅବସରରେ ଭୁବନେଶ୍ୱର ଠାରେ ବଲାଙ୍ଗିର ବନ ବିଭାଗର ୪ ଜଣ ବନ କର୍ମଚାରୀ ଅଶୋକ ସେଠ, ରଂଜିତ କୁମ୍ଭାର, ଚିନ୍ମୟ ପଧାନ ଓ ଭାରତୀ ଜାନୀ ପୁରସ୍କୃତ ହୋଇଛନ୍ତି । ଏହି ଅବସରରେ ଆଜି ବଲାଙ୍ଗିର ସ୍ଥିତ ବନ ଅଧିକାରୀଙ୍କ କାର୍ଯ୍ୟାଳୟଠାରେ ବନ ବିଭାଗ ପକ୍ଷରୁ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଡିଏଫ୍ଓ ନିତିଶ କୁମାର ୪ ଜଣ ବନ କର୍ମଚାରୀଙ୍କୁ ସମ୍ବର୍ଦ୍ଧିତ କରିବା ସହ ସେମାନଙ୍କ ଉଜ୍ୱଳ ଭବିଷ୍ୟତ ଓ କର୍ତ୍ତବ୍ୟ ନିଷ୍ଠା କାମନା କରିଛନ୍ତି । ଏହି ସମୟରେ ବଲାଙ୍ଗିର ବନ ବିଭାଗର ରେଂଜର କେଶବ କିଶୋର ନାୟକ ମଧ୍ୟ ଉପସ୍ଥିତ ଥିଲେ ।