ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରକାରୀ ବାଳିକା ବିଦ୍ୟାଳୟର ସମ୍ମିଳନୀ କକ୍ଷରେ ପ୍ରଧାନ ଶିକ୍ଷୟିତ୍ରୀ ଚୁଡାମଣି ବାରିକଙ୍କ ସଭାପତିତ୍ୱରେ କୃତି ଛାତ୍ରୀମାନଙ୍କୁ ସମ୍ମାନିତ କରିବା ପାଇଁ ଏକ ସମ୍ବର୍ଦ୍ଧନା ସଭା ଆୟୋଜିତ ହୋଇଯାଇଛି । ଏହି ସଭାରେ ଗତ ବୋର୍ଡ ପରୀକ୍ଷାରେ ସର୍ବୋଚ୍ଚ ନମ୍ବର ରଖି ପାସ କରିଥିବା ଛାତ୍ରୀ ରଶ୍ମି ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା । ତା’ ସାଙ୍ଗରେ ଗତ ନବମ ଶ୍ରେଣୀ ପରୀକ୍ଷାରେ A ଗ୍ରେଡ ଆଣିଥିବା ୬ ଜଣ ଛାତ୍ରୀ ଯଥା ତୃପ୍ତିମୟୀ କିଶନ, ମମତା ପଟ୍ଟନାୟକ, ଲକ୍ଷ୍ମୀ ପଟେଲ, ମିନାକ୍ଷୀ ପାଣ୍ଡେ, ସ୍ମୃତି ସମର୍ପିତା, ଖୁସିରାଣୀ ସୁନାଙ୍କୁ ଭବିଷ୍ୟତରେ ଉଜ୍ୱଳ ତାରକା ରୂପରେ ଗ୍ରହଣ କରି ସମ୍ବର୍ଦ୍ଧିତ କରାଯାଇଛି । ମୁଖ୍ୟ ଅତିଥି ରୂପରେ ବିଶିଷ୍ଠ ସମାଜସେବୀ ଗୋବିନ୍ଦ ପ୍ରସାଦ ଅଗ୍ରୱାଲ ଯୋଗଦେଇ ଛାତ୍ରୀମାନଙ୍କୁ ଉତ୍ସାହିତ କରିଥିଲେ । ମଞ୍ଚରେ ଏସ୍ଏମ୍ସି ଚେୟାରପର୍ସନ ବିନିଲତା ସାହୁ ତଥା କାର୍ଯ୍ୟକାରୀ ପ୍ରଧାନ ଶିକ୍ଷୟିତ୍ରୀ ଗୋପାଳଜୀ ପ୍ରସାଦ ପାଣିଗ୍ରାହୀ ଛାତ୍ରୀମାନଙ୍କୁ ଉପହାର ଦେଇ ତାଙ୍କର ଉଜ୍ୱଳ ଭବିଷ୍ୟତ କାମନା କରିଥିଲେ । ସୁରେନ୍ଦ୍ର ଭୋଇ ସଭା କାର୍ଯ୍ୟ ପରିଚାଳନା କରିଥିବା ବେଳେ ଜ୍ୟୋତ୍ସ୍ନା ରାଣୀ ସାହୁ, ଜୀବନାନନ୍ଦ ସାହୁ, ମୀନତି ଦାସ, ରବିନା ପଧାନ, ସଂଯୁକ୍ତା ଭୋଇ, ସୁଷମା ଦାସ, ଦୁଷ୍ମନ୍ତ ଛତର, ନନ୍ଦିନୀ ବାଗ ଓ କମଳା କୁମ୍ଭାର ସହାୟତା କରିଥିଲେ । ଶେଷରେ ମାନସ ରଞ୍ଜନ ଶତପଥୀ ଧନ୍ୟବାଦ ଅର୍ପଣ କରିଥିଲେ । ତା’ ପରେ ଏକ ଫଳାଫଳ ତର୍ଜମା ସଭା ପ୍ରଧାନ ଶିକ୍ଷୟିତ୍ରୀଙ୍କ କକ୍ଷରେ ଅନୁଷ୍ଠିତ ହୋଇଥିଲା । ଯେଉଁଥିରେ ପ୍ରଧାନ ଶିକ୍ଷୟିତ୍ରୀ ଚୁଡାମଣି ବାରିକ ଆସନ୍ତା ବର୍ଷ କିଭଳି ଭାବରେ ଫଳାଫଳରେ ଉନ୍ନତି ଆସିବ ତା’ ଉପରେ ତର୍ଜମା କରିଥିଲେ ।