- ସମବାୟ ସେବାର ବାର୍ତ୍ତା ନେଇ ଗଡ଼ିଲା ସମବାୟ ରଥ
ସୁବର୍ଣ୍ଣପୁର, (କେପିଏନ୍ଏସ୍) : ୭୦ତମ ଅଖିଳ ଭାରତୀୟ ସମବାୟ ସପ୍ତାହ ପାଳନ ଅବସରରେ ଆଜି ସକାଳ ୭.୦୦ ଘଣ୍ଟା ସମୟରେ ଜିଲ୍ଲାସ୍ତରୀୟ ଗଣଦୌଡକୁ ସ୍ଥାନୀୟ ରୟାଲ ପଡିଆଠାରୁ ବିମଳେନ୍ଦୁ ରାୟ, ଜିଲ୍ଲାପାଳ ସୁବର୍ଣ୍ଣପୁର ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏଥିରେ ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶ, ସହକାରୀ ନିବନ୍ଧକ, ସୋନପୁର ପାଣୁ ଚରଣ ସାହୁ, ସହକାରୀ ନିବନ୍ଧକ, ବୀରମହାରାଜପୁର, ପ୍ରେମାନନ୍ଦ ଦୀପ ଓ ସମବାୟ ବିଭାଗର ସମସ୍ତ କର୍ମକର୍ତା ଗଣଦୌଡ଼ରେ ବାହାରି ସୁରେଶ୍ୱରୀ ମନ୍ଦିର ସୋନପୁରଠାରେ ପହଂଚି ଥିଲେ ପରେ ପରେ ଜିଲ୍ଲାପାଳ ଶ୍ରୀ ରାୟ ଜିଲ୍ଲାପାଳ କାର୍ଯ୍ୟାଳୟଠାରୁ ସମବାୟ ସଚେତନତା ରଥକୁ ମଧ୍ୟ ସବୁଜ ପତାକା ପ୍ରଦର୍ଶନ ପୂର୍ବକ ଶୁଭାରମ୍ଭ କରି ସମବାୟ ରଥ ଜିଲ୍ଲାର ସମସ୍ତ କୋଣ ଅନୁକୋଣକୁ ସମବାୟ ସେବାର ବାର୍ତ୍ତା ପହଂଚାଇବା ସହିତ ଜନସାଧାରଣ ସମସ୍ତ ସମବାୟ ସେବାର ଲାଭ ନେବାକୁ ପରାମର୍ଶ ଦେଇଛନ୍ତି । ସମବାୟ ସପ୍ତାହ ୧୪.୧୧.୨୦୨୩ ଠୁ ୨୦.୧୧.୨୦୨୩ ପର୍ଯ୍ୟନ୍ତ ସାରା ରାଜ୍ୟରେ ପାଳନ ହେଉଥିବା ବେଳେ ଜିଲ୍ଲାସ୍ତରୀୟ ସମ୍ମିଳନୀ ଆସନ୍ତା ୧୭.୧୧.୨୦୨୩ ଅପରାହ୍ନ ୩.୦୦ ଘ. ସମୟରେ ସ୍ଥାନୀୟ ନୂତନ ଟାଉନ ହଲଠାରେ ଜିଲ୍ଲାସ୍ତରୀୟ ନେତୃବୃନ୍ଦ, ଅଧିକାରୀ, ଚାଷୀ, ସମବାୟବିତ୍ ଏବଂ ଜନସାଧାରଣକୁ ନେଇ ଅନୁଷ୍ଠିତ ହେବାର କାର୍ଯ୍ୟସୂଚୀ ରହିଛି । ପାଣୁ ଚରଣ ସାହୁ, ସହକାରୀ ନିବନ୍ଧକ, ସୋନପୁର ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ ।