ବରଗଡ, (ସତ୍ୟନାରାୟଣ ପ୍ରଧାନ) : ପ୍ରେମ ପାଇଁ ଅନେକ ସଂଘର୍ଷ କରି ଜଣେ ଝିଅ କିମ୍ବା ଜଣେ ପୁଅର ମନକୁ କିଣିବାକୁ ହୋଇଥାଏ । କେତେବେଳେ ରାଗ ରୁଷା ତ ଆଉ କେତେବେଳେ ମାନ ଅଭିମାନ।ତେବେ ପ୍ରେମରୁ ପ୍ରତାରଣା ପାଇବା ପରେ କିଭଳି ତା ପଛରେ ପାଗଳ ଭଳି ଯୁବକ ଜଣକ ରାସ୍ତା କଡରେ ବୁଲିଥାଏ । ତାହାକୁ ନେଇ ଏହି ସମ୍ବଲପୁରୀ ‘ପାଗଲ୍ ପ୍ରେମୀ’ ଗୀତ ପ୍ରସ୍ତୁତି କରାଯାଇଛି । ବରଗଡ ଆର୍ଆର୍ ଷ୍ଟୁଡିଓରେ ରେକର୍ଡିଂ ହୋଇଥିବା ବେଳେ ଦର୍ଶକଙ୍କ ମନକୁ ଗୀତ ଟି ଛୁଇଁବ ବୋଲି ଆଶା କରାଯାଉଛି । ଏହି ଗୀତକୁ ଅଜିତ କୁମାର ସାହୁ ଓ ଶୁଭଲଷ୍ମୀ ସାହୁ କଣ୍ଠଦାନ କରିଥିବା ବେଳେ ଗୀତ ଓ ସଙ୍ଗୀତକୁ ଖୁବ ସୁନ୍ଦର ଭାବରେ ସଜେଇଛନ୍ତି ଜନକ ସେଠ । ସଙ୍ଗୀତ ଜଗତରେ ସୁନାମ ଅର୍ଜନ କରିଥିବା ଶୈଳେଶ ସାମଲ ସଙ୍ଗୀତରେ ସହଯୋଗ କରିଥିବା ବେଳେ କ୍ୟାମେରା ମ୍ୟାନ ଭାବେ ଦୋଳଗୋବିନ୍ଦ ଭୋଇ ଦାୟିତ୍ୱ ତୁଲାଇଛନ୍ତି । ଏହି ଗୀତ ଖୁବ ଶୀଘ୍ର ଅଜିତ କୁମାର ସାହୁ ଅଫିସିୟାଲ୍ରେ ଉପଲବ୍ଧ ହେବ ବୋଲି ଶ୍ରୀ ସାହୁ ସୂଚନା ଦେଇଛନ୍ତି ।