ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲାର ଅଗ୍ରଣୀ ସାଂସ୍କୃତିକ ଅନୁଷ୍ଠାନ “କଳାଶ୍ରୀ ଆର୍ଟ ଏକାଡେମୀ” ଆନୁକୁଲ୍ୟରେ, ପ୍ରତିବର୍ଷ ଭଳି ଅଷ୍ଟାଦଶ ସର୍ବ ଭାରତୀୟ ଯୋଗିନୀ ମହୋତ୍ସବ “ଝରିଏଲ୍” ୨୦୨୫ ଅନୁଷ୍ଠିତ ହୋଇଯାଇଛି । ସାହିତ୍ୟ, କଳା ସଂସ୍କୃତି ଓ ସାହିତ୍ୟ ତଥା ସେବା ତଥା ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଥିବା ବିଶିଷ୍ଟ ବ୍ୟକ୍ତିମାନଙ୍କୁ ସମ୍ମାନିତ ଓ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ବଲାଙ୍ଗିର ଜିଲ୍ଲା, ସରଗଡା ଗ୍ରାମର ଉଦୀୟମାନ ସାହିତ୍ୟିକ ଓ ଯୁବକବି କୃଷ୍ଣେନ୍ଦୁ ହୋତାଙ୍କୁ “ବ୍ରଜବଲ୍ଲଭ ସ୍ମୃତି ସମ୍ମାନ” ପ୍ରଦାନ କରାଯାଇଛି । ଏହି ସମ୍ମାନ ମିଳିଥିବାରେ ତାଙ୍କୁ ପରିବାର, ବନ୍ଧୁବର୍ଗ ଏବଂ ସାହିତ୍ୟିକ ମହଲରୁ ଶୁଭେଚ୍ଛା ଓ ଅଭିନନ୍ଦନ ମିଳିଛି । ଝରିଏଲ୍ ମହୋତ୍ସବ ସକାଳ ୯ଟାରୁ ଆରମ୍ଭ ହୋଇ ରାତ୍ରି ୮ଟା ପର୍ଯ୍ୟନ୍ତ ଚାଲିଥିଲା । ଓଡିଶାର ପ୍ରତିଷ୍ଠିତ କଳାକାର ଏଥିରେ ଅଂଶ ଗ୍ରହଣ କରିବା ସହିତ ସାଂସ୍କୃତିକ କାର୍ଯ୍ୟକ୍ରମ, ସଂଗୀତ, ନୃତ୍ୟ କବି ସମ୍ମିଳନୀ ଏବଂ ସାହିତ୍ୟ ସଭା ଆୟୋଜିତ ହୋଇଥିଲା । ରାଜ୍ୟର ବିଭିନ୍ନ ସ୍ଥାନରୁ ଆସିଥିବା ସାହିତ୍ୟିକ ଏବଂ କଳାକାରମାନଙ୍କୁ ସମ୍ମାନୀତ ଓ ସମ୍ବର୍ଦ୍ଧିତ କରାଯାଇଥିଲା । ଯୁବକବି କୃଷ୍ଣେନ୍ଦୁ ହୋତା ଏପର୍ଯ୍ୟନ୍ତ ଅନେକ କବିତା ଏବଂ ଗଦ୍ୟ ରଚନା କରିବା ସହିତ, ସାମାଜିକ ଓ ସାହିତ୍ୟିକ ଅନ୍ଦୋଳନରେ ତାଙ୍କ ଅବଦାନ ଉଲ୍ଲେଖନୀୟ । ବ୍ରଜବଲ୍ଲଭ ସ୍କୃତି ସମ୍ମାନ ପ୍ରଦାନ ଦ୍ୱାରା ତାଙ୍କ କୃତିତ୍ୱ ଓ ସାହିତ୍ୟ ଯାତ୍ରାକୁ ନୂତନ ପରିଚୟ ମିଳିଛି ବୋଲି ସାହିତ୍ୟମାନଙ୍କ ମଧ୍ୟରେ ଏକ ଉତ୍ସାହ ଦେଖିବାକୁ ମିଳୁଛି ।