ଭୁବନେଶ୍ୱର : ନିମାଇଁ ସାହିତ୍ୟ ସଂସଦ ତରଫରୁ ଆୟୋଜିତ ସାରସ୍ବତ ସଭାରେ ସମ୍ବର୍ଦ୍ଧନା, ଆଲୋଚନା ଓ କବିତା ପାଠ ଅନୁଷ୍ଠିତ ହୋଇଯାଇଛି । ଦାଶରଥି ମହାନ୍ତିଙ୍କ ପୌରହିତରେ ଅତିଥି ଭାବେ ମଂଚାସୀନ ହୋଇଥିଲେ ସରୋଜ ରଂଜନ ପଟ୍ଟନାୟକ ଓ ରାଜ କିଶୋର ପତି । ପ୍ରଥମେ ଜଗନ୍ନାଥଙ୍କ ଫଟୋ ପୂଜା ସହ ଆରମ୍ଭ ହୋଇଥିବା ସଭାରେ ରୋଜାଲିନ୍ ଜେନାଙ୍କ ସଂଯୋଜନାରେ ପ୍ରାୟ ପଚାଶ ଜଣ କବି ସ୍ୱରଚିତ କବିତା ପାଠ କରିଥିଲେ । ମଂଚ ପରିଚାଳନା ଓ ସମ୍ପାଦନା ଦାୟିତ୍ୱ ତୁଲାଇଥିଲେ ସଂସଦର ସମ୍ପାଦକ ମାନସ ରଞ୍ଜନ ପଟ୍ଟନାୟକ । ସମସ୍ତ କବିମାନଙ୍କୁ ସମ୍ମାନପତ୍ର ଦ୍ବାରା ସମ୍ବୋଧିତ କରାଯାଇଥିଲା ଏବଂ ପାଂଚଜଣ କବି ନିମାଇଁ ସାରସ୍ବତ ସମ୍ମାନରେ ସମ୍ମାନୀତ ହୋଇଛନ୍ତି । ଉପସଭାପତି ବିଶ୍ୱ ରଂଜନ ମହାନ୍ତି ସମୀକ୍ଷା କରିଥିବା ବେଳେ ଧନ୍ୟବାଦ ଦେଇଥିଲେ ଡ. ସଂଯୁକ୍ତା ପରିଡା ।