ପଦ୍ମପୁର, (ନିରୋଜ କୁମାର ପାଣୀ) : ସୁଶ୍ରୀ ଜିତେଶ୍ୱରୀ ଦାଶଙ୍କ ପୌରୋହିତ୍ୟରେ ସମ୍ପାଦକ ରାଜେନ୍ଦ୍ର କୁମାର ମହାନ୍ତିଙ୍କ ସମ୍ପାଦନାରେ ରାଜବୋଡାସମ୍ବର ଉଚ୍ଚ ବିଦ୍ୟାଳୟରେ ଏହି ମାସର ମାସିକ ଆସର ଅନୁଷ୍ଠିତ ହୋଇଯାଇଛି । ସଂଯୋଜକ ଅଧ୍ୟାପକ ପୌଲସ୍ତ୍ୟ ସାହା ଗଳ୍ପ ସାହିତ୍ୟର ଉଦ୍ଦେଶ୍ୟ ଜ୍ଞାପନ କରିଥିଲେ । ତା’ପରେ ଅବସରପ୍ରାପ୍ତ ଶିକ୍ଷକ ଶେଷଦେବ ମେହେର, କୁଞ୍ଜବିହାରୀ ସରାଫ, ସୁଶ୍ରୀ ଜିତେଶ୍ୱରୀ ଦାଶ, ପୌଲସ୍ତ୍ୟ ସାହା, କହ୍ନେଇ ଲାଲ ସାହୁ, ଭୀଷ୍ମଦେବ ସାହୁ ଓ କିଶୋର ପାତ୍ର ପ୍ରମୁଖ ଗାଳ୍ପିକ ମାନେ ସ୍ଵରଚିତ ଗଳ୍ପ ପଠନ କରିଥିଲେ । ଶେଷରେ ସମ୍ପାଦକ ରାଜେନ୍ଦ୍ର କୁମାର ମହାନ୍ତି ପଲଟା ବାଘ ଗପକୁ ଅତି ସୁନ୍ଦର ଭାବରେ ନାଟକୀୟ ଶୈଳୀରେ ପଠନ କରିଥିଲେ । ଶେଷରେ ସଂଯୋଜକ ଅଧ୍ୟାପକ ପୌଲସ୍ତ୍ୟ ସାହା ଧନ୍ୟବାଦ ଅର୍ପଣ କରିଥିଲେ ।