ପାଟଣାଗଡ଼, (ଗୋରେଖନାଥ ବରିହା) : ଆଜି ସକାଳେ ଏଲ୍ଆଇସି କ୍ରିକେଟ କ୍ଲବ ଅନୁକୂଲ୍ୟରେ ପାଟଣାଗଡ଼ ବ୍ଲକ ନିକଟସ୍ଥ ବଙ୍ଗଳା ପରିସରରେ ଏକ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସୂଚନା ଅନୁସାରେ, ପାଟଣାଗଡ଼ ଏନ୍ଏସି ଏହି ବଙ୍ଗଳା ପରିସର ଅନେକ ଦିନରୁ ପରିତ୍ୟକ୍ତ ଅବସ୍ଥାରେ ପଡିରହିଥିଲା । ଏଥିସହ ଏହି ବଙ୍ଗଳାରେ ତହସିଲଦାର ରହୁଥିବା ବେଳେ ସମୟ ସମୟରେ ଜିଲ୍ଲାପାଳ, ମନ୍ତ୍ରୀ ତଥା ଉଚ୍ଚ ପଦାଧିକାରୀ ଆସି ବିଶ୍ରାମ ନିଅନ୍ତି । ବଙ୍ଗଲା ପରିସରରେ ଏକ ବ୍ୟାଡମିଟନ ପଡିଆ ମଧ୍ୟ ରହିଅଛି । ସେଠାକୁ ଅନେକ କ୍ରିଡା ପ୍ରେମୀ ସହ ଉଚ୍ଚ ପ୍ରଶାସନିକ ପଦାଧିକାରୀମାନେ ମଧ୍ୟ ଖେଳିବାକୁ ଆସିଥାନ୍ତି । ଉକ୍ତ ପରିସରଟି ଅପରିଷ୍କାର ହୋଇଥିବାରୁ ଏହାକୁ ଦୁଷ୍ଟିରେ ରଖି ଆଜି ଏଲ୍ଆଇସି କ୍ରିକେଟ କ୍ଲବର ସଦସ୍ୟମାନେ ଉକ୍ତ ବଙ୍ଗଳା ପରିସର ତଥା ବ୍ୟାଡମିଣ୍ଟନ ଫିଲ୍ଡକୁ ସଫା କରିଛନ୍ତି । ଏଥିରେ କ୍ଲବର ଲାବନ୍ୟ ପୁରୋହିତ, ମୁନା ପାଣିଗ୍ରାହୀ, ପେଟୁ ବୁଡେକ, ସମ୍ବିତ ଯୋଷୀ, ରାକେଶ ପୁରୋହିତ, ସିବଲୁ ପୁରୋହିତ ଓ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ ।