ଭୋଗରାଇ, (ଶିବନାରାୟଣ ପାତ୍ର) : ଭୋଗରାଇ ବ୍ଲକ ଖରିଦପିପଳ ସେବା ସମବାୟ ସମିତି ପରିସରରେ ବାର୍ଷିକ ସାଧାରଣ ସଭା ସହିତ ସମବାୟ ବ୍ୟାଙ୍କିଙ୍ଗ ସେବା ଓ ଋଣ କର୍ମଶାଳା ସଭା ଅନୁଷ୍ଠିତ ହୋଇଯାଇଛି । ଏଥିରେ ସମିତିର ସଭାପତି କେଶବ ଚନ୍ଦ୍ର ପାଳ ସଭାପତିତ୍ୱ କରିଥିବା ବେଳେ ମୁଖ୍ୟଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷ ପ୍ରବୀର କୁମାର ଗିରି, ମୁଖ୍ୟ ବକ୍ତା ଭାବେ ବରିଷ୍ଠ ଆଇନଜୀବୀ ଭୁବନାନନ୍ଦ ଦାସ, ବିଶିଷ୍ଟ ଅତିଥି ଭାବେ ଅବସରପ୍ରାପ୍ତ ବନଖଣ୍ଡ ଅଧିକାରୀ ସୁକୁମାର ଦାସ, ସମ୍ମାନୀତ ବକ୍ତା ଭାବେ ଓଡ଼ିଶା ସରକାରଙ୍କ ତରଫରୁ ପୁରସ୍କାର ପାଇଥିବା ପୁରୁଷୋତ୍ତମପୁର ସେବା ସମବାୟ ସମିତିର ସଭାପତି ଦେବାଶିଷ ଶତପଥି, ସମ୍ମାନିତ ଅତିଥି ଭାବେ ୩୦ନଂ ଜୋନ ଜିଲ୍ଲା ପରିଷଦ ସଦସ୍ୟ ଗିରିଶ ଚନ୍ଦ୍ର ଦତ୍ତ, ସରପଞ୍ଚ ମଞ୍ଜୁରାଣୀ ବେହେରା, ଆଇନଜୀବୀ ରାଜକିଶୋର ଜେନା ପ୍ରମୁଖ ଯୋଗଦେଇ ଚାଷୀମାନଙ୍କୁ ଠିକ୍ ସମୟରେ ଋଣ ପ୍ରଦାନ କରିବା ସହିତ ସରକାରୀ ସ୍ତରରେ ମିଳୁଥିବା ସମସ୍ତ ପ୍ରକାର ସୁବିଧା ସୁଯୋଗ ପ୍ରଦାନ ଉପରେ ଆଲୋକପାତ କରିଥିଲେ । ସମିତିର ନିର୍ଦ୍ଦେଶକ ପଣ୍ଡିତ ରାଜେନ୍ଦ୍ର ପଣ୍ଡା ଅତିଥିଙ୍କ ପରିଚୟ ପ୍ରଦାନ ସାଙ୍ଗକୁ ମଞ୍ଚ ଆହ୍ୱାନ କରିଥିଲେ । ଏହା ସହିତ ଦ୍ୱିତୀୟ ଅଧିବେଶନରେ ସମବାୟ ସମିତିର ସଭାପତି କେଶବ ଚନ୍ଦ୍ର ପାଳଙ୍କ ପୌରହିତ୍ୟରେ ସଭାକାର୍ଯ୍ୟ ଅନୁଷ୍ଠିତ ହୋଇ ବାର୍ଷିକ ବିବରଣୀ ପାଠ ଭାରପ୍ରାପ୍ତ ସଂପାଦକ ସତ୍ୟଗୋପାଳ ସାମଲଙ୍କ ଦ୍ୱାରା ପଠନ ହୋଇଥିଲା । ଏଥିରେ ସମ୍ମାନୀତ ଅତିଥି ଭାବେ ରାମଦେଇଚକ ସମବାୟ ସମିତିର ସଭାପତି ଖଗେନ୍ଦ୍ର ନାୟକ, ଆରୁହା ବୃତ୍ତି ନଂ ୧ ଗ୍ରାମ ପଞ୍ଚାୟତର ସରପଞ୍ଚ ଗୀତରାଣୀ ଜେନା, ନାଚିନ୍ଦା ଗ୍ରାମ ପଞ୍ଚାୟତର ସରପଞ୍ଚ ଶିଶିର କୁମାର ରଣା, ସମିତି ସଭ୍ୟା ମଧୁମିତା ପ୍ରଧାନ, ସମବାୟ ସମିତିର ପ୍ରାକ୍ତନ ସଭାପତି ଆଶୁତୋଷ ମହାନ୍ତି, ଉପସଭାପତି ସଂଧ୍ୟାରାଣୀ ସେଠୀ, ସମାଜସେବୀ ଯୁଗେନ୍ଦ୍ର ନାଥ ପାଳ, ମୁରଲୀମୋହନ ପଟ୍ଟନାୟକ ପ୍ରମୁଖ ଯୋଗଦେଇ ସେବା ସମବାୟ ସମିତିରେ ଋଣ ଆଦାନ ପ୍ରଦାନ ଉପରରେ ମିଶନ ଶକ୍ତି, ସ୍ୱୟଂ ସହାୟକ ଗୋଷ୍ଠୀର ଭୂମିକା ଅତୁଳନୀୟ ବୋଲି ମତବ୍ୟକ୍ତ କରିଥିଲେ । ଉକ୍ତ ସଭାକାର୍ଯ୍ୟକୁ ସମିତିର ସମସ୍ତ ନିର୍ଦ୍ଦେଶକ, ନିର୍ଦ୍ଦେଶିକା ପରିଚାଳନା କରିଥିବା ବେଳେ ସମିତିର ଡାଟାଏଣ୍ଟ୍ରି ଅପରେଟର ନନ୍ଦକିଶୋର ପାଣିଗ୍ରାହୀ, କାର୍ତ୍ତିକ ଦେ ସହଯୋଗ କରିଥିଲେ । ସର୍ବଶେଷରେ ପୂର୍ବତନ ସମ୍ପାଦକ ଅନନ୍ତ କୁମାର ସାମଲ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।