ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ଆର୍ଟିଓ ପଡିଆ ଠାରେ ରାଜ୍ୟ ପରିବହନ ବିଭାଗ ତରଫରୁ ସଡ଼କ ସୁରକ୍ଷା ସପ୍ତାହ ପାଳିତ ହୋଇଯାଇଛି । ଏହି ଅବସରରେ ଆର୍ଟିଓ ପଡିଆ ଠାରୁ ଏକ ସଚେତନତା ଶୋଭାଯାତ୍ରା ବାହାରିଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ବଲାଙ୍ଗିର ଜିଲ୍ଲାପାଳ ଗୌରବ ଶିବାଜୀ ଓ ଏସ୍ପି ଋଷିକେଶ ଖିଲାରି ଯୋଗ ଦେଇଥିଲେ । ଯାନବାହାନ ଚଳାଇବା ସମୟରେ ସାବଧାନତାର ସହିତ ଚଳାଇବା, ମାଦକ ଦ୍ରବ୍ୟ ସେବନ କରି ଗାଡ଼ି ନ ଚଳାଇବା, ଗାଡ଼ି ଚଳାଇବା ସମୟରେ ଫୋନ୍ରେ କଥାବାର୍ତ୍ତା ନହେବା, ଓଭରଲୋଡିଂ ନ କରିବା ଭଳି ବିଭିନ୍ନ ସଚେତନତା ବାର୍ତ୍ତା ନେଇ ଶୋଭାଯାତ୍ରା ବାହାରିଥିଲା । କାର୍ଯ୍ୟକ୍ରମରେ ଜିଲ୍ଲା ପରିବହନ ବିଭାଗର ଅଧିକାରୀ ମାନସ ମିଶ୍ର , ଏସ୍ଡିପିଓ ପ୍ରଦୀପ କୁମାର ସାହୁ, ଟାଉନ ଥାନା ଅଧିକାରୀ ଅବନୀ ସାହୁ , ଏମ୍ଭିଆଇ, ଇନ୍ସପେକ୍ଟର ରିଜର୍ବ ଆର୍ଆଇଙ୍କ ସହିତ ସମସ୍ତ କର୍ମଚାରୀ ଓ ଅନ୍ୟମାନେ ଉପସ୍ଥିତ ଥିଲେ ।