କୋରାପୁଟ : କୋରାପୁଟ ଜିଲ୍ଲା ଲକ୍ଷ୍ମୀପୁର ଥାନା ଅଧିନସ୍ଥ ଡୋଳିଆମ୍ବ ନିକଟରେ ଏକ ଟ୍ୟାଙ୍କର ଓଲଟି ପଡି ରାସ୍ତାରେ ତେଲ ଭାସୁଥିବା ଖବର ମିଳିଛି । ଏଥିସହ ରାସ୍ତା ମଝିରେ ଟ୍ୟାଙ୍କର ରହିଥିବାରୁ ଯାତାୟାତ ବାଧାପ୍ରାପ୍ତ ହୋଇଥିବା ବେଳେ ଉଭୟ ପାର୍ଶ୍ବରେ ଯାନବାହନ ଅଟକି ରହିଥିବା ଜଣାପଡିଛି । ସୂଚନା ଅନୁସାରେ ଝାରସୁଗୁଡ଼ାଠାରୁ ଆସୁଥିବା ପେଟ୍ରୋଲ ଓ ଡିଜେଲ ବୋଝେଇ ଟ୍ୟାଙ୍କର ଡେଳିଆମ୍ବ ନିକଟରେ ଭାରସାମ୍ୟ ହରାଇ ଓଲଟି ପଡିଥିଲା । ରାସ୍ତା ମଝିରେ ଗାଡ଼ି ଓଲଟି ପଡିଥିବାରୁ ଉଭୟ ପାର୍ଶ୍ଵରେ ଶହ ଶହ ଛୋଟ ବଡ଼ ଗାଡ଼ି ଅଟକି ରହିଛି । ଫଳରେ କୋରାପୁଟ-ରାୟଗଡା ଜାତୀୟ ରାଜପଥ ଦୀର୍ଘ ସମୟ ଧରି ବନ୍ଦ ରହିଛି । ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟରେ ଲାଗିପଡିତିବା ବେଳେ ଗାଡ଼ିରେ ଥିବା ପେଟ୍ରୋଲ ଓ ଡିଜେଲ ରାସ୍ତା ଉପରେ ଭାସୁଥିବା ଦେଖାଯାଇଛି ।