ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ଥାନା ଲୋଇସିଂହା – ଭରସୁଜା ରାସ୍ତାର ପତ୍ରାପାଲି ରାଇସ ମିଲ ନିକଟରେ ଶନିବାର ସନ୍ଧ୍ୟା ୫ ଟାରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ବାଇକରେ ଥିବା ଅନ୍ୟ ଦୁଇଜଣ ଗୁରୁତର ଥିବା ଜଣାଯାଇଛି । ମୃତାହତ ସମସ୍ତେ ବରଗଡ଼ ଜିଲ୍ଲା ଗାଇସିଲେଟର ବୋଲି ଜଣାପଡିଛି । ଆଜି ସନ୍ଧ୍ୟାରେ ଗାଇସିଲେଟ ର ଅମନ୍ ନାୟକ(୨୭), ରିଭିୟୁ ପାଣ୍ଡେ ଓ ଅରୁଣ ବରିହା(୨୫) ବାଇକରେ ନିଜ ଘରକୁ ଫେରୁଥିଲେ । ପତ୍ରାପାଲି ରାଇସ ମିଲ ନିକଟରେ ଅପର ପଟୁ ଦୃତଗତିରେ ଆସୁଥିବା ଏକ ଅଜଣା ହାଇୱା ଗାଡ଼ି ସେମାନଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ରୀଭିୟୁ ପାଣ୍ଡେଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ଅବସ୍ଥାରେ ଅନ୍ୟ ଦୁଇଜଣଙ୍କୁ ପ୍ରଥମେ ଲୋଇସିଂହା ଓ ପରେ ବଲାଙ୍ଗିର ମେଡିକାଲକୁ ସ୍ଥାନାନ୍ତର କରାଯାଇଛି । ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ମୃତାହତଙ୍କୁ ଡାକ୍ତରଖାନାରେ ପହଞ୍ଚାଇବା ସହିତ ଚିକିତ୍ସା ବ୍ୟବସ୍ଥା ତଦାରଖ କରିଥିଲେ । ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ବଲାଙ୍ଗିର ପଠାଇ ଥିବା ଜଣାଯାଇଛି ।