ତୁରେକେଲା, (କୈଳାଶ ସଗ୍ରିଆ) : ବର୍ତ୍ତମାନ କରୋନାର ଦ୍ୱିତୀୟ ଲହରର ଘଡିସନ୍ଧି ମୁହୂର୍ତ୍ତରେ ଚଟୂଅନକାସ୍ଥିତ ଅଙ୍ଗନବାଡ଼ି ଖ କେନ୍ଦ୍ରଠାରେ ଏକ ସଚତନତା ସଭା ଅନୁଷ୍ଠିତ ହୋଇଥିଲା । ମାଝୀପଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ତଥା ଜୁନିୟର ରେଡକ୍ରସ ପରାମର୍ଶ ଦାତା ବିରଞ୍ଚି ନାରାୟଣ ଦାଶଙ୍କ ପ୍ରଚେଷ୍ଟାରେ ଅନୁଷ୍ଠିତ ସଭାରେ ମହିଳା ସ୍ୱାସ୍ଥ୍ୟ କର୍ମୀ ନମିତା ମିଶ୍ର, ଅଙ୍ଗନବାଡ଼ି କର୍ମୀ ସଙ୍ଗୀତା ବଏ, ଆଶାକର୍ମୀ ସୂର୍ଯ୍ୟକାନ୍ତୀ ମାଝୀ ଅତିଥି ଭାବରେ ଯୋଗ ଦେଇଥିଲେ । ପାଞ୍ଚ ବର୍ଷ ବୟସର ସମସ୍ତ ଶିଶୁ ମାନଙ୍କୁ ନିମୋନିଆରୁ ରକ୍ଷା କରିବାକୁ ହେଲେ ନିମୋକୋକସ କଞ୍ଜୁଗେଟ ଟିକା ତିନି ଗୋଟି ପର୍ଯ୍ୟାୟରେ ଦେବା ସହିତ କରୋନା ଟିକା ନେବାକୁ ଉପସ୍ଥିତ ମାଆ ମାନଙ୍କୁ ବୁଝେଇ ଥିଲେ । ବର୍ତ୍ତମାନ ଜନସଂଖ୍ୟା ବିସ୍ପୋରଣ ହେଉଛି ଏବଂ ଏହା ଯୋଗୁଁ କଣ ସବୁ ଅସୁବିଧା ହେଉଛି ତା’ ଉପରେ ଅନ୍ୟ ଅତିଥି ମାନେ ଆଲୋଚନା କରିଥିଲେ । ସରକାରଙ୍କ ବିଭିନ୍ନ ଯୋଜନାରେ ସାମିଲ ହୋଇ ସଫଳ କରିବାକୁ ଉପସ୍ଥିତ ମା’ମାନେ ପ୍ରତିଶୃତି ଦେଇଥିଲେ । ତା’ପରେ ସମସ୍ତଙ୍କ ଅମ୍ଳଜାନ ସ୍ତର ଓ ତାପମାତ୍ରା ମପା ଯାଇଥିଲା ।