ସୁବର୍ଣ୍ଣପୁର, (ରାଜ କିଶୋର ତ୍ରିପାଠୀ) : ଆର୍ଟ ଅଫ ଲିଭିଙ୍ଗ ହେପିନେସ ସେଣ୍ଟର ପକ୍ଷରୁ ଆଜି ନିଜସ୍ଵ ଅଫିସ ଗୃହଠାରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପରାଜ ସାହୁ ମୁଖ୍ୟ ଅତିଥି ଓ ସମ୍ମାନିତ ଅତିଥି ଭାବରେ ଏସ୍ପି ନାରାୟଣ ନାୟକ ଯୋଗ ଦେଇ ଶ୍ରୀ ଶ୍ରୀ ରବି ଶଙ୍କରଙ୍କ ଫଟୋଚିତ୍ରରେ ଧୂପ ଦୀପ ପୁଷ୍ପ ପ୍ରଦାନ ପୂର୍ବକ ଏହି ଶିବିରକୁ ଶୁଭ ଉଦଘାଟନ କରିଥିଲେ । ଉପସ୍ଥିତ ରକ୍ତଦାତା ଓ ନୂତନ ରକ୍ତଦାତା କଲେଜ ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । ଜିଲ୍ଲାପାଳ ଶ୍ରୀ ଶ୍ରୀ ରବି ଶଙ୍କରଙ୍କ ଜୀବନ ଦର୍ଶନ ଉପରେ ହୃଦୟସ୍ପର୍ଶୀ କଥା ସବୁ କହିବା ସହ ଆର୍ଟ ଅଫ ଲିଭିଙ୍ଗ ସେତେବେଳେ ପରିପୂର୍ଣ୍ଣ ହେବ ଯେତେ ବେଳେ ଆର୍ଟ ଅଫ ଗିଭିଙ୍ଗ ହେବ ଏବଂ ବର୍ତ୍ତମାନ ଯେଉଁ ଜୀବନଟା ମିଳିଛି ତାହା ସୁନ୍ଦର ତଥା ହସଖୁସିରେ ଜିଁଇବା ପାଇଁ ବୋଲି କହିଥିଲେ । ଅନ୍ୟତମ ଅତିଥି ଭାବରେ ଏଡିଏମ୍ଓ ଡାକ୍ତର ଦୁର୍ଗାଦତ୍ତ ଦାଶ, ଯୁବ ସଂଗଠକ ଅରବିନ୍ଦ ବାରିକ, ଶ୍ରୀବତ୍ସ ମଲ୍ଲିକ ଯୋଗଦେଇ ରକ୍ତଦାତାଙ୍କ ଉତ୍ସାହ ବଢାଇଥିଲେ । ସମସ୍ତ ରକ୍ତଦାତାଙ୍କୁ ଅତିଥି ମାନଙ୍କ ଦ୍ୱାରା ସମ୍ବଦ୍ଧିତ କରାଯାଇଥିଲା । ଆଜିର ଏହି ମେଗା ରକ୍ତଦାନ ଶିବିରକୁ ଆର୍ଟ ଅଫ୍ ଲିଭିଙ୍ଗ୍ର ଟିଚର ଭାଗ୍ୟଲକ୍ଷ୍ମୀ ବେହେରା, ଅରବିନ୍ଦ ବାରିକ, ଆନନ୍ଦ କନସଲ୍, ଖୁସବୁ କନସଲ୍, ବିଶ୍ଵବୀର ମିଶ୍ର, ଶିବ ଯୋଶୀ, ଦିଲ୍ଲୀପ କର, ଚମ୍ପେଶ୍ଵର ସା, ଅର୍ଜୁନ ମେହେର, ପିୟୁଷ ଅଗ୍ରୱାଲ ପ୍ରମୁଖ ପରିଚାଳନା କରିଥିବାବେଳେ ସମୁଦାୟ ୮୦ ୟୁନିଟ ରକ୍ତ ସଂଗ୍ରହ ହୋଇଥିଲା । ଡ. ଚିତ୍ତରଞ୍ଜନ ତ୍ରିପାଠୀଙ୍କ ତତ୍ତ୍ଵାବଧାନରେ ରକ୍ତ ଭଣ୍ଡାରର ଟେକନିସିଏନ୍ ଜଗତ ଦରୱାନ, ସତ୍ୟବ୍ରତ ତାଣ୍ଡି, ଯୁଧିଷ୍ଠିର ନାଏକ, ଟଙ୍କଧର କଅଁର ପ୍ରମୁଖ ରକ୍ତ ସଂଗ୍ରହ କରିଥିଲେ । ଆର୍ଟ ଅଫ ଲିଭିଙ୍ଗ ହେପିନେସ ସେଣ୍ଟର ସୋନପୁରର ସମସ୍ତ ସଦସ୍ୟ ପ୍ରତ୍ୟକ୍ଷ ସହଯୋଗ କରିଥିଲେ ।