ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁରର ଅଗ୍ରଣୀ ସାମାଜିକ ସେବା ସଂଗଠନ ବୁଢାରଜା ଯୁବ ସମାଜସେବୀ ସଂଗଠନ ପକ୍ଷରୁ ଆଜି ପ୍ରେମ ଦିବସରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ସଂଗଠନର ୧୦ବର୍ଷ ପୂର୍ତ୍ତି ଅବସରରେ ସୁବର୍ଣ୍ଣପୁର ବୁଢାରଜା ଛକ ଓ ବୀରମହାରାଜପୁରର ମୈତ୍ରୀ ସଦନ ଠାରେ ଆୟୋଜିତ ରକ୍ତଦାନ ଶିବିରରେ ୧୦୦ରୁ ଅଧିକ ୟୁନିଟ୍ ରକ୍ତ ସଂଗ୍ରହ ହୋଇଛି । ଇତ୍ୟାବସରରେ, ଏହି ଯୁବ ସଂଗଠନ ତରଫରୁ ଏକ ଆମ୍ବୁଲାନ୍ସ ସେବାର ଲୋକାର୍ପଣ ହୋଇଥିବା ବେଳେ ଆଜିର ଦିନକୁ ମହିଳା ସମ୍ମାନ ଦିବସ ଭାବେ ସମର୍ପିତ କରାଯାଇଛି । ଏହି ବୃହତ ରକ୍ତଦାନ ଶିବିରରେ ବୁର୍ଲା ଭୀମସାରର ଜନପ୍ରିୟ ଡାକ୍ତର ଶଂକର ରାମଚନ୍ଦାନୀ ମୁଖ୍ୟଅତିଥି ଭାବେ ଯୋଗଦେଇ ଆଜିପରି ପ୍ରେମ ଦିବସରେ ଯୁବ ସ୍ୱୋଚ୍ଛାସେବୀମାନେ ମାନବ ସେବା ସହ ରକ୍ତଦାନ ପରି ମହନୀୟ କାର୍ଯ୍ୟ କରିଥିବାରୁ ଖୁସି ପ୍ରକାଶ କରିଛନ୍ତି । ଶିବ ଶଂକର ନାଏକ, ଚିତ୍ତରଂଜନ ଯଦୁବଂଶୀ ଓ ତାପସ ବେହୁରାଙ୍କ ସଂଯୋଜନାରେ ଆୟୋଜିତ ଏହି ସାମାଜିକ କାର୍ଯ୍ୟକ୍ରମରେ ସୁବର୍ଣ୍ଣପୁରର ବୁଦ୍ଧିଜୀବୀ ଓ ସମାଜସେବୀ ଉପସ୍ଥିତ ରହି ଯୁବ ସ୍ଵେଚ୍ଛାସେବୀମାନଙ୍କୁ ଉତ୍ସାହିତ କରିଥିଲେ ।
