ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ଗୌଡ଼ପଡ଼ାସ୍ଥିତ ରାଧାକୃଷ୍ଣ ମନ୍ଦିରରୁ ଗତ ରାତିରେ ଚୋରି ହେଇଥିବା ନେଇ କମିଟୀ ତରଫରୁ ମ.ରାମପୁର ଥାନାରେ ଲିଖିତ ଅଭିଯୋଗ ହେଇଛି । ତେବେ ଏଥିପୂର୍ବରୁ କିଛି ମାସତଳେ ମଧ୍ୟ ଏହି ମନ୍ଦିର ସମେତ ମ.ରାମପୁରର ବିଭିନ୍ନ ମନ୍ଦିରରୁ ଚୋରୀ ହେଇଥିଲା । ଗତ ରାତିର ଚୋରୀ ପରେ ଏବେ ସମସ୍ତଙ୍କ ମନରେ ଉଦ୍ବେଗ ପ୍ରକାଶ ପାଇଛି । ଲିଖିତ ଅଭିଯୋଗ ପରେ ପୋଲିସ ମାମଲାର ଖୋଳତାଡ଼ କରୁଛି ଏବଂ ଖୁବ ଶିଘ୍ର ଘଟଣାରେ ସଂପୃକ୍ତ ବ୍ୟକ୍ତି ବିଶେଷଙ୍କୁ ଠାବ କରିବ ବୋଲି କହିଛି । ବାରମ୍ବାର ମନ୍ଦିର ଚୋରୀକୁ ନେଇ ସାଧାରଣରେ ଲୋକେ ଅସନ୍ତୋଷ ବ୍ୟକ୍ତ କରିଛନ୍ତି ।