ଟିଟିଲାଗଡ, (ସଞ୍ଜୟ କୁମାର ନାୟକ) : ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଧୁମ୍ଧାମ୍ରେ ପାଳିତ ହୋଇଯାଇଛି ଟିଟଲାଗଡ ହାଟପଦାପଡ଼ାର ଦୁର୍ଗା ପୂଜା । ଚଳିତ ବର୍ଷ ଅତି ସୁନ୍ଦର ଲାଇଟ୍ ସାଜସଜ୍ଜା ସହ ଭିତର ପେଣ୍ଡାଲ ଅତି ଆକର୍ଷଣୀୟ ହୋଇଛି । ପୂଜକ ରୁଦ୍ର ମାଧବ ଗାୟତ୍ରୀ ପତି ଓ ଦିଲିପ ନନ୍ଦଙ୍କ ମନ୍ତ୍ର ଉଚ୍ଚାରଣରେ ରୀତିନୀତି ଅନୁସାରେ ପୂଜା ଚାଲିଥିବା ବେଳେ କର୍ତ୍ତା ଭାବେ ସୁବୋଧ ଦାସ ସପତ୍ନୀକ ପୂଜାରେ ବସିଥିଲେ । ଆଜି ରବିବାର ମା’ ଦୁର୍ଗାଙ୍କ ଅଷ୍ଟମୀ ପୂଜା ରୀତିନୀତି ଅନୁସାରେ ଚାଲିଥିବା ବେଳେ ଗତ ଶନିବାର ସପ୍ତମୀଠାରୁ ମା’ଙ୍କ ଦର୍ଶନ ପାଇଁ ଭକ୍ତଙ୍କ ପ୍ରବଳ ଭିଡ଼ ଜମୁଛି । ମା’ଙ୍କୁ ସୁମରି ଯିଏ ଯାହା ମନସ୍କାମନା ପୂରଣ ପାଇଁ ପ୍ରାର୍ଥନା କରିଥିଲେ । କମିଟିର କର୍ତ୍ତା ପଡ଼ାବାସୀ ତଥା ସହରବାସୀଙ୍କ ପାଇଁ ମଙ୍ଗଳ କାମନା କରିବା ସହ ସମସ୍ତଙ୍କ ଉପରେ ମା’ଙ୍କ କୃପା ଲାଭ ହେଉ ବୋଲି ପ୍ରାର୍ଥନା କରିଥିଲେ । କମିଟିର ସଦସ୍ୟଙ୍କ ଦ୍ୱାରା ପ୍ରତ୍ୟେକ ଦିନ ସନ୍ଧ୍ୟାରେ ଭକ୍ତଙ୍କ ନିମନ୍ତେ ଅନ୍ନ ପ୍ରସାଦ ବଣ୍ଟନ କରାଯାଉଥିବା କମିଟି ପକ୍ଷରୁ କୁହାଯାଇଛି ।