ଦେଓଗାଁ, (ମନୀଷ କୁମାର ସାହୁ) : ଦେଓଗାଁ କଛାରପାଲି ସ୍ଥିତ ସାହୁପଡ଼ା ପ୍ରଗତି ଯୁବକ ସଂଘ ପକ୍ଷରୁ ୯ମ ଗଜଲକ୍ଷ୍ମୀ ପୂଜା ପାଇଁ ଆଜି ତୃତୀୟ ଦିବସରେ ପହଞ୍ଚିଛି । ଶନିବାର ଦିନ କଳସ ଶୋଭାଯାତ୍ରା ପରେ ରବିବାର ଦିନ ପୂଜାରମ୍ଭ ହୋଇ ପ୍ରତ୍ୟହ ସନ୍ଧ୍ୟାରେ ସନ୍ଧ୍ୟା ଆଳତୀ ହୋଇଆସୁଛି । ପ୍ରଥମ ଦିନ ସନ୍ଧ୍ୟାରେ ସ୍ଥାନୀୟ କଛାରପାଲି ରାମଲୀଳା କମିଟି ଦ୍ୱାରା ସୀତାଚୋରି ନାଟକ ପରିବେଷଣ ହୋଇଥିଲା । ସୋମବାର ସନ୍ଧ୍ୟାରେ ପାଞ୍ଚ ଜଣ ବିଶିଷ୍ଟ ଗୀତକାରଙ୍କ ଦ୍ଵାରା ସଂକୀର୍ତ୍ତନ ଧାରା ପରିବେଷଣ ହୋଇଥିଲା । ଆଜି ସନ୍ଧ୍ୟାରେ ପୂର୍ଣ୍ଣାହୁତି ହୋମ କରାଯିବା ସହ ରାତିରେ ଏସ.ଡି. ମେଲୋଡି କଣ୍ଟାବାଞ୍ଜି ଦଳ ଦ୍ୱାରା ସମ୍ବଲପୁରୀ ଅର୍କେଷ୍ଟା କାର୍ଯ୍ୟକ୍ରମ ହେବାର ରହିଛି । ବୁଧବାର ଦିନ ଗଜଲକ୍ଷ୍ମୀ ମୂର୍ତ୍ତି ବିସର୍ଜନ କରାଯିବା ନେଇ କମିଟି ପକ୍ଷରୁ ସୂଚନା ମିଳିଛି ।