ଭୁବନେଶ୍ୱର, (ସୁଶାନ୍ତ ସାହୁ) : ମନିଷ ଅନୁରାଗ ମୃତ୍ୟୁ ମାମଲାରେ ତିନି ଜଣ ଅଭିଯୁକ୍ତଙ୍କୁ କମିସନରେଟ୍ ପୁଲିସ ଗିରଫ କରିଛି । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଡିସିପି ଉମାଶଙ୍କର ଦାଶ । ଗିରଫ ହୋଇଥିବା ୩ ଜଣ ଅଭିଯୁକ୍ତମାନେ ହେଲେ ମୃତ୍ୟୁଞ୍ଜୟ ମିଶ୍ର ଓରଫ ମୁନ୍ନା, ଦିନେଶ ମହାପାତ୍ର ଓରଫ ଲିଟୁ ଓ ଅମ୍ରିତ ବିଶ୍ୱାଳ । ଡିସିପି ଉମାଶଙ୍କର ଦାଶ ସାମ୍ବାଦିକ ସମ୍ମିଳନୀରେ ସୂଚନା ଦେଇ କହିଛନ୍ତି ଯେ, ମୃତ ମନିଷଙ୍କ ସହ ଏହି ତିନି ଜଣ ହୋଟେଲକୁ ଯାଇଥିବା ବେଳେ ହୋଟେଲ ବାହାରେ ମନିଷକୁ ଆକ୍ରମଣ କରିଥିଲେ । ଫଳରେ ମନିଷର ମୃତ୍ୟୁ ହୋଇଯାଇଥିଲା । ପରେ ପ୍ରମାଣ ନଷ୍ଟ ଲାଗି ମନିଷଙ୍କ ମୃତଦେହକୁ ନିକଟସ୍ଥ ପୋଖରୀରେ ଫିଙ୍ଗିଦେଇ ଚାଲିଯାଇଥିଲେ । ତେବେ ଆଜି ଏହି ତିନ ଜଣ ଅମ୍ରିତ ବିଶ୍ୱାଲ, ଦିନେଶ ମହାପାତ୍ର ଓ ମୃତ୍ୟୁଞ୍ଜୟ ମିଶ୍ରଙ୍କୁ ଗିରଫ କରାଯିବା ସହ କୋର୍ଟଚାଲାଣ କରାଯିବ । ଏମାନଙ୍କ ବିରୋଧରେ ଆଇପିସିର ଧାରା ୩୬୪(ଏ), ୩୦୨, ୨୦୧ ଓ ୩୪ରେ ମାମଲା ରୁଜ୍ଜୁ କରାଯାଇଥିବା ବେଳେ ପରେ ପୁଲିସ ଅଭିଯୁକ୍ତମାନଙ୍କୁ ରିମାଣ୍ଡରେ ଆଣି ସିନ୍ ରିକ୍ରିଏଟ୍ କରିବା ସହ ଅଧିକ ତଦନ୍ତ କରାଯିବ ବୋଲି ଡିସିପି କହିଛନ୍ତି ।