- ଜାତୀୟ ପ୍ରେସ ଦିବସରେ ନୂତନ ଓୟୁଜେ ଟ୍ରିବୁନାଲ ଅଧ୍ୟକ୍ଷଙ୍କୁ ସମ୍ବର୍ଦ୍ଧନା
ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସାମ୍ବାଦିକ ସଂଘ ପକ୍ଷରୁ ବ୍ଲକ ଡାକ ବଙ୍ଗଳା ଠାରେ ସଂଘ ସଭାପତି ରଶ୍ମିରଞ୍ଜନ ପୁଟେଲଙ୍କ ସଭାପତିତ୍ୱରେ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି । ଅତିଥି ଭାବରେ ସଇଁତଳା ବ୍ଳକର ପୂର୍ବତନ ସମାଜ ପ୍ରତିନିଧି ପୀତବାସ ଜାନୀ, ସୂଚନା ଅଧିକାର କର୍ମୀ ଥବିର ଚନ୍ଦ୍ର ବାଗ ଯୋଗଦେଇ ସାମ୍ବାଦିକମାନେ ଗ୍ରାମାଞ୍ଚଳର ସମସ୍ୟାର ଖବର ଆଣି ସରକାର ଓ ପ୍ରଶାସନ ଠାରେ ପହଁଞ୍ଚାଇଥାନ୍ତି । ଲେଖନୀ ମୁନକୁ ଆହୁରି ଜାରିରଖି ଲୋକଙ୍କ ସମସ୍ୟାର ସମାଧାନ ଦିଗରେ ଆଗେଇ ଆସିବା ପାଇଁ ମତବ୍ୟକ୍ତ କରିଥିଲେ । ଓୟୁଜେ ଜିଲ୍ଲା ଟ୍ରିବୁନାଲ ସଭାପତି ଭାବେ ମନୋନୀତ ହୋଇଥିବା ସଂଘର ଉପଭାପତି ଅନିଲ ତ୍ରିପାଠୀଙ୍କୁ ଉପଢୌକନ ଦେଇ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । କାର୍ଯ୍ୟକ୍ରମକୁ କାର୍ଯ୍ୟକାରୀ ସଭାପତି ଅଶୋକ ନାରାୟଣ ଭୋଇ ସଂଯୋଜନା କରିଥିବା ବେଳେ ସମ୍ପାଦକ ହୁଲେଶ୍ୱର ହଂସ ଧନ୍ୟବାଦ ଅର୍ପଣ କରିଥିଲେ । ଉପ ସଭାପତି ସୁଶାନ୍ତ ବେହେରା, କୋଷାଧ୍ୟକ୍ଷ ଦୀପକ କୁମାର ଦାସ ଯାଦବ, ବରିଷ୍ଠ ସଦସ୍ୟ ଅଶୋକ ଖମାରୀ, ସୁଶାନ୍ତ ଥନାପତି, ରାଧେଶ୍ୟାମ ମେହେର, ଦିପକ ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।