ଭୁବନେଶ୍ୱର, (ଶୁଶାନ୍ତ ସାହୁ) : ନାବାଳିକା ପ୍ରେମିକାଙ୍କୁ ବ୍ଲାକମେଲ କରି ବନ୍ଧାହେଲା ପ୍ରେମିକ । ଭୁବନେଶ୍ୱର ନୟାପଲ୍ଲୀ ଥାନା ପୋଲିସ ପ୍ରେମିକକୁ ଗିରଫ କରିଛି । ଗିରଫ ଅଭିଯୁକ୍ତର ନାଁ ଆଶିଷ୍ ଜେନା । ସୂଚନା ମୁତାବକ, ନୟାପଲ୍ଲୀ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ପ୍ରେମ ଜାଲରେ ଫସାଇଥିଲେ ଭୁବନ ଅଞ୍ଚଳର ଆଶିଷ । ଆଶିଷ କିଛିଦିନ ହେବ ନାବାଳିକା ସହିତ ହ୍ୱାଟସଆପରେ କଥା ହୋଇ କିଛି ଅନୈତିକ ଭିଡିଓ ରଖି ବ୍ଲାକମେଲ କରିବା ଆରମ୍ଭ କରିଥିଲେ । ଭିଡିଓଟି ଫେରି ପାଇବା ପାଇଁ ନାବାଳିକା ଆଶିଷଙ୍କୁ ଦେଢ଼ଲକ୍ଷ ଟଙ୍କା ସହିତ ଘରେ ଥିବା ସୁନା ଗହଣା ଦେଇଥିଲେ । ତେବେ ଏଥିରେ ଆଶିଷ ଖୁସି ନଥିଲେ । ଆଶିଷ୍ ସେହି ଭିଡିଓକୁ ଡିଲିଟ ନକରିବାରୁ ପରିବାର ଲୋକଙ୍କୁ ଜଣାଇଥିଲେ ନାବାଳିକା ଜଣକ । ଘଟଣା ସମ୍ପର୍କରେ ନୟାପଲ୍ଲୀ ପୋଲିସ ଆଶିଷଙ୍କୁ ଗିରଫ କରି ତାଙ୍କ ନିକଟରୁ ସୁନା ଗହଣା ଉଦ୍ଧାର କରିଛନ୍ତି । ହେଲେ ତାଙ୍କ ନିକଟରୁ କୌଣସି ଟଙ୍କା ଜବତ ହୋଇପାରିନାହିଁ ।