ବଲାଙ୍ଗିର, (କେପିଏନ୍ଏସ୍) : ଶିଶୁ ବିକାଶ କେନ୍ଦ୍ର ବଲାଙ୍ଗିରର ପ୍ରତିଷ୍ଠା ଦିବସ ପାଳନ ଅବସରରେ ସ୍କୁଲ ଛାତ୍ରଛାତ୍ରୀମାନଙ୍କ ମଧ୍ୟରେ ବକୃତା ଓ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବକୃତାରେ ସୋନି ଶତପଥି, ଆହ୍ୱାନ କୁମାର ଦାଶ ଓ ସ୍ମିତପ୍ରଜ୍ଞା ତ୍ରିପାଠୀ ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ହୋଇଥିବା ବେଳେ ପ୍ରବନ୍ଧରେ ସୁନନ୍ଦା ନନ୍ଦିନୀ ନେଗୀ, ସ୍ମୃତିମୟୀ ଦାଶ ଓ ବିଜୟଲଷ୍ମୀ ପାଣିଗ୍ରାହୀ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି । ଆସନ୍ତା ୧୫/୧୦/୨୧ ଶୁକ୍ରବାର ବିଜୟା ଦଶମୀ ଦିନ ୯.୩୦ ସମୟରେ ଏଲ୍ଏଣ୍ଡଏସ୍ କ୍ଲବଠାରେ ଅନୁଷ୍ଠିତ ସମାରୋହରେ କୃତି ପ୍ରତିଯୋଗିମାନଙ୍କୁ ପୁରସ୍କୃତ କରାଯିବ ଓ ସେହିଦିନ ଷଷ୍ଠ, ସପ୍ତମ ଓ ଅଷ୍ଟମ ଶ୍ରେଣୀ ଛାତ୍ରଛାତ୍ରୀମାନଙ୍କ ମଧ୍ୟରେ କଣ୍ଠ ସଂଗୀତ ପ୍ରତିଯୋଗିତା ଅନୁଷ୍ଠିତ ହୋଇ କୃତି ପ୍ରତିଯୋଗିମାନଙ୍କୁ ପୁରସ୍କୃତ କରାଯିବ । କଣ୍ଠ ସଂଗୀତରେ ଭାଗ ନେବାକୁ ଆଗ୍ରହୀ ପ୍ରତିଯୋଗିମାନେ ହ୍ୱାଟ୍ ଟଏପ ନଂ ୯୯୩୭୫୧୬୯୦୪ରେ ନିଜର ନାମ, ଶ୍ରେଣୀ ଓ ସ୍କୁଲର ନାମ ଲେଖି ପଠାଇବାକୁ ଅନୁରୋଧ ବୋଲି ଅନୁଷ୍ଠାନର ସମ୍ପାଦକ ରତ୍ନମୟ ତ୍ରିପାଠୀ ଓ ସଭାପତି ମଦନ ମୋହନ ରଥ ଜଣାଇଛନ୍ତି ।