ରାଉରକେଲା, (ସସ୍ମିତା ପ୍ରଧାନ) : ଆସନ୍ତା ୨୬/୬/୨୨ ତାରିଖ ରବିବାର ଦିନ ସକାଳ ୯ଟା ସମୟରେ ଆର୍ଇସି ନୋଡାଲ ଉଚ୍ଚ ବିଦ୍ୟାଳୟ ଏନ୍ଆଇଟି ରାଉରକେଲାରେ ଜ୍ଞାନ ପ୍ରକାଶ ତରଫରୁ ଜାତୀୟ ସ୍ତରରେ ଚିତ୍ରାଙ୍କନ ପ୍ରତିଯୋଗିତା ହେବାକୁ ଯାଉଛି । ଏଥିପାଇଁ ପଞ୍ଚମ ଶ୍ରେଣୀରୁ ଦ୍ୱାଦଶ ଶ୍ରେଣୀର ବିଭିନ୍ନ ବର୍ଗର ଛାତ୍ରଛାତ୍ରୀମାନଙ୍କୁ ଭାଗ ନେବାକୁ ଆହ୍ୱାନ କରାଯାଉଅଛି । ପିଲାମାନେ ୮.୩୦ରେ ପହଞ୍ଚି ରେଜିଷ୍ଟ୍ରେସନ କରିବାକୁ ହେବ । ଏଥିପାଇଁ ୫୦ ଟଙ୍କା ରେଜିଷ୍ଟ୍ରେସନ ଫି ବାବଦକୁ ଦେବାକୁ ହେବ । ସୁନ୍ଦରଗଡ଼ ଜିଲ୍ଲାରେ ଏକ ମାତ୍ର ସେଣ୍ଟର କରାଯାଇଛି । ମୁଖ୍ୟ ଦାୟିତ୍ଵରେ ଅଛନ୍ତି ଶିକ୍ଷୟିତ୍ରୀ ଶ୍ରୀମତୀ ନିରୁପମା ଦାଶ । ଯେଉଁମାନେ ଅଂଶ ଗ୍ରହଣ କରିବେ ଜାତୀୟ ସ୍ତରରେ ପ୍ରଶଂସା ପ୍ରମାଣପତ୍ର ମିଳିବ ଏବଂ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯିବ । ଏଥିପାଇଁ ଜ୍ଞାନ ପ୍ରକାଶ ତରଫରୁ ସହାୟତା ଯୋଗାଇ ଦେବା ନିମନ୍ତେ ଅଭିଭାବକମାନଙ୍କୁ ଅନୁରୋଧ କରାଯାଇଛି ।