ରାଉରକେଲା, (ସସ୍ମିତା ପ୍ରଧାନ) : ମା’ ତାରାତାରିଣୀଙ୍କ ଦ୍ୱିତୀୟ ପୀଠ ସେକ୍ଟର-୬ ହିଲ୍ଟପ୍ ସ୍ଥିତ ମନ୍ଦିର ପ୍ରାଙ୍ଗଣରେ ପରିଷଦର ଏକ ପ୍ରସ୍ତୁତି ବୈଠକ ବିଶ୍ୱଜିତ ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ମା’ଙ୍କ ନବ ଦିନାତ୍ମକ ଶାରଦୀୟ ଦୁର୍ଗାପୂଜା ନିମନ୍ତେ ଆଲୋଚନା କରାଯାଇଥିଲା । ମନ୍ଦିରର ଆଲୋକ ସଜ୍ଜା, ଭକ୍ତମାନଙ୍କର ଯିବା ଆସିବାର ସୁବନ୍ଦୋବସ୍ତ ତଥା ସୁବ୍ୟବସ୍ଥିତ ପୂଜାର୍ଚ୍ଚନା ଏବଂ ସହସ୍ର ଦୀପ ପ୍ରଜ୍ୱଳନ, ଅଖଣ୍ଡ ଦୀପ ପ୍ରଜ୍ୱଳନ ଓ ମହାଦୀପ ପ୍ରଜ୍ୱଳନ ବିଷୟରେ ସମସ୍ତ କମିଟି ସଦସ୍ୟ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ତତ୍ ସହିତ ମା’ଙ୍କ ସମ୍ମୁଖ ଭାଗରେ ନବ ନିର୍ମିତ ସୌଧ ନିର୍ମାଣର ସମସ୍ତ ବିବରଣୀ ଭାସ୍କର ନନ୍ଦ ପ୍ରକାଶ କରିଥିଲେ । ଏହି ପ୍ରସ୍ତୁତି ବୈଠକରେ ବିଜୟ ପାଢ଼ୀ, ରମାକାନ୍ତ ମହାରଣା, ମୀନକେତନ ନନ୍ଦ, ନାରାୟଣ ଚନ୍ଦ୍ର ମହନ୍ତ, କାଳୀ ପ୍ରସାଦ ପାତ୍ର, ଲୋକେଶ ରାଉତ, ମନୋରଞ୍ଜନ ତ୍ରିପାଠୀ, ସୁଶାନ୍ତ ଦଳାଇ, ଶରତ ଜେନା, ପବିତ୍ର ମୋହନ ବେହେରା, ପ୍ରଶାନ୍ତ ପଣ୍ଡା, ସୁବାସ ପାଢ଼ୀ ପ୍ରମୁଖ ଉପସ୍ଥିତ ରହି ନିଜର ସୁଚିନ୍ତିତ ମତାମତ ରଖିଥିଲେ । ଶେଷରେ ଶ୍ରବଣ ଦଳାଇ ଧନ୍ୟବାଦ ଅର୍ପଣ କରିଥିଲେ ।