ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମାଣ୍ଡୋସିଲ ଗ୍ରାମର ନାଟ୍ୟରତ୍ନ ପ୍ରାପ୍ତ ନାଟ୍ୟକାର ତଥା ନିର୍ଦ୍ଦେଶକ ଲଳିତ ଜଗତ କେନ୍ଦ୍ର ସଂସ୍କୃତି ମନ୍ତ୍ରାଳୟ ଭାରତ ସରକାରଙ୍କ ଦ୍ଵାରା ଫୋକ୍ ଥିଏଟର (ଲୋକ ନାଟକ)ରେ ସିନିୟର୍ ଫେଲୋସିପ୍ ପାଇଛନ୍ତି । ଯାହାକି ଓଡ଼ିଶାରେ ୨ ଜଣ ସେ ମଧ୍ୟରୁ ପ୍ରଥମ ସ୍ଥାନରେ ଲଳିତ ଜଗତ ଅଛନ୍ତି ଓ ବରଗଡ଼ ଜିଲ୍ଲାରେ ଏକମାତ୍ର ଭାବେ ସିନିୟର୍ ଫେଲୋସିପ୍ରେ ଗୌରବ ଅର୍ଜନ କରିଛନ୍ତି । ଏ ଖୁସିର ଖବର ଶୁଣିବା ମାତ୍ରେ ଓଡ଼ିଶା, ବରଗଡ଼ ଜିଲ୍ଲା ତଥା ପାଇକମାଲ ବ୍ଲକର ସମସ୍ତ ଜନ ସାଧାରଣ କଳାକାର ଭାଇ ମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଏଥିରେ ବିଶେଷ ଖୁସିବ୍ୟକ୍ତ ପ୍ରକାଶ କରି ପାଇକମାଲ ବ୍ଲକ ପ୍ରଶାସନ ତରଫରୁ ୭୬ତମ ସାଧାରତନ୍ତ୍ର ଦିବସ ଅବସରରେ ପାଇକମାଲ ପଡ଼ିଆ ଠାରେ ଶ୍ରୀ ଜଗତଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ୱର୍ଦ୍ଧିତ କରିଛନ୍ତି । ଏହି ଅବସରରେ ମୁଖ୍ୟ ଅତିଥି ଭାବେ ପଦ୍ମପୁର ବିଧାୟିକା ଶ୍ରୀମତୀ ବର୍ଷା ସିଂ ବରିହା, ବ୍ଲକ ଅଧ୍ୟକ୍ଷା ଭାବନା ସିଂ, ଗୋଷ୍ଠୀ ଉନ୍ନୟନ ଅଧିକାରୀ ପ୍ରଫୁଲ୍ଲ କୁମାର ଓଡୁ, ବ୍ଲକ ଶିକ୍ଷା ଅଧିକାରୀ ଚୂଡ଼ାମଣି ବାରିକ, ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ବାସନ୍ତୀ ସେଠୀ ଓ ସାମ୍ବାଦିକ ବନ୍ଧୁ ଉପସ୍ଥିତ ଥିଲେ । ଏହା ବରଗଡ଼ ଜିଲ୍ଲା ପାଇଁ ଗର୍ବ ଓ ଗୌରବର ବିଷୟ । ଶ୍ରୀ ଜଗତ ଜଣେ ବହୁମୁଖୀ ପ୍ରତିଭାଧାରୀ ଏକାଧାରରେ କବି, ଲେଖକ, ଗୀତିକାର, ନାଟ୍ୟକାର ଓ ନିର୍ଦ୍ଦେଶକ ଅଟନ୍ତି ।