ଭୁବନେଶ୍ୱର, (କେପିଏନ୍ଏସ୍) : ସ୍ଥାନୀୟ ଆଲୋକ ଇଂରାଜୀ ମାଧ୍ୟମ ବିଦ୍ୟାଳୟରେ ବାର୍ଷିକ ବିଜ୍ଞାନ ପ୍ରଦର୍ଶନୀ ପାଳିତ ହୋଇଯାଇଛି । ଉକ୍ତ ପ୍ରଦର୍ଶନୀରେ ମୁଖ୍ୟ ଅତିଥି ଭାବେ ଆର୍ଏନ୍ ପଟ୍ଟନାୟକ (ସିନିୟର ଡାଇରେକ୍ଟର ଏବଂ ଆସୋସିଏଟ ପ୍ରଫେସର) ଫିତା କାଟି ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ । ସମ୍ମାନୀୟ ଅତିଥି ଭାବେ ପ୍ରଦୋଷ ପଟ୍ଟନାୟକ (ବରିଷ୍ଠ ସାମ୍ବାଦିକ) ଯୋଗଦାନ କରି ପିଲାମାନଙ୍କୁ ଉତ୍ସାହିତ କରିଥିଲେ । ଉକ୍ତ ଉତ୍ସବରେ ପ୍ରମୋଦ ଚନ୍ଦ୍ର ମିଶ୍ର (ମିଶ୍ର ପରିଚାଳକ ଗ୍ରୀଡକୋ(ରିଟାୟାର୍ଡ), ବିଶ୍ୱଜିତ ଖଟୁଆ(ବିଶିଷ୍ଟ ଶିଳ୍ପପତି) ଯୋଗଦେଇ ପ୍ରତିଯୋଗୀମାନଙ୍କୁ ଉତ୍ସାହିତ ଏବଂ ପ୍ରୋତ୍ସାହିତ କରିଥିଲେ । ବିଦ୍ୟାଳୟର ସଂପାଦିକା ଚାରୁବାଳା ନାୟକ ଅତିଥି ମାନଙ୍କୁ ଅଭିବାଦନ ଜଣାଇଥିଲେ । ଅନୁଷ୍ଠାନର ମୁଖ୍ୟ ଉପଦେଷ୍ଟା ସଦାଶିବ ମହାପାତ୍ର, କୁନି ବୈଜ୍ଞାନିକମାନଙ୍କୁ ନିରନ୍ତର ପ୍ରଗତିଶୀଳ ହେବା ପାଇଁ ଉପଦେଶ ଦେଇଥିଲେ । ଅନୁଷ୍ଠାନର ଉପାଧ୍ୟକ୍ଷ ବିକ୍ରମ କେଶରୀ ଦାଶ ପ୍ରଦର୍ଶନୀକୁ ଉଦ୍ଯାପିତ କରିଥିଲେ । ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କ ଦ୍ୱାରା ବିଜ୍ଞାନ ପ୍ରଦର୍ଶନୀଟି ଶାନ୍ତି ଶୃଙ୍ଖଳାର ସହିତ ଉଦ୍ଯାପିତ ହୋଇଥିଲା ।