ବ୍ରହ୍ମପୁର, (କେପିଏନ୍ଏସ୍) : ଦେଶର ମିଡିଆ ଟାଇକୁନ ଭାବରେ ସୁପରିଚିତ ପଦ୍ମବିଭୂଷଣ ସ୍ୱର୍ଗତ ରାମୋଜୀ ରାଓଙ୍କୁ ଦେଶର ଭାରତରତ୍ନ ପ୍ରଦାନ ହେବ ଶ୍ରେଷ୍ଠ ଶ୍ରଦ୍ଧାଞ୍ଜଳୀ । ସିନେମା ଠାରୁ ଆରମ୍ଭ କରି ପର୍ଯ୍ୟଟନ ଏବଂ ଛାପା ଗଣମାଧ୍ୟମ ଠାରୁ ଓ ଡିଜିଟାଲ ଭଳି ବିଭିନ୍ନ କ୍ଷେତ୍ରରେ ସଫଳ ଉଦ୍ୟୋଗ ପ୍ରତିଷ୍ଠା କରି ସାରା ଦେଶରେ ଉଲ୍ଲେଖନୀୟ ଅବଦାନ ଗ୍ରହଣ କରିଥିବା ରାମୋଜୀ ରାଓଙ୍କ ଇତିମଧ୍ୟରେ ହୋଇଥିବା ବିୟୋଗ ସାରା ଦେଶର ବିଭିନ୍ନ କ୍ଷେତ୍ରରେ ଛୋକର ଛାୟା ଖେଳିଯାଇଛି । ଏହି ଅବସରରେ ବ୍ରହ୍ମପୁର ସହରରେ ଆୟୋଜିତ ଶ୍ରଦ୍ଧାଞ୍ଜଳୀ ଓ ସ୍ମୃତିଚାରଣ କାର୍ଯ୍ୟକ୍ରମରେ ଏହି ଦାବୀକୁ ଲିଖିତ ଭାବରେ ଦେଶର ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କ ସମେତ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କୁ ପ୍ରଦାନ କରାଯିବ ବୋଲି ସ୍ଥିର କରାଯାଇଥିବା ବିଷୟ ଆନ୍ଧ୍ରା ଭାଷାଭିବର୍ଦ୍ଧନୀ ସମାଜମ୍ ପକ୍ଷରୁ ଏହାର ସଭାପତି ପି.ସତ୍ୟ ନାରାୟଣଙ୍କ ପକ୍ଷରୁ କୁହାଯାଇଛି । ସଭାପତି ପି.ସତ୍ୟନାରାୟଣଙ୍କ ଅଧ୍ୟକ୍ଷତାରେ ଆୟୋଜିତ ସ୍ମୃତିଚାରଣ ସଭାରେ ବ୍ରହ୍ମପୁରର ବିଧାୟକ କେ. ଅନିଲ କୁମାର ଯୋଗଦେଇ ନିଜର ବକ୍ତବ୍ୟରେ ବ୍ୟକ୍ତିଗତ ଭାବରେ ସେ ପାଠ ପଢିବା ସମୟରୁ ହିଁ ସ୍ୱର୍ଗତ ରାମୋଜୀ ରାଓଙ୍କୁ ଜାଣିଥିବା ବେଳେ ସେ ସାଧାରଣ ଜନତାଙ୍କୁ କିଭଳି ସେବା ଯୋଗାଇବେ ତାହା ହିଁ ସେ ଜୀବନ ବ୍ରତ ଭାବରେ ଧରି ନେଇଥିଲେ ବୋଲି କହିବା ସହିତ ଏଭଳି ବ୍ୟକ୍ତିତ୍ୱଙ୍କର ବିୟୋଗ କେବଳ ଆନ୍ଧ୍ର କାହିଁକି ସାରା ଦେଶ ପାଇଁ ଏକ ବିରାଟ କ୍ଷତି ବୋଲି କହିଥିଲେ । ଏହା ସହିତ ଏକଦା ଦେଶରେ ଯୁବ ପ୍ରତିଭା ସୃଷ୍ଟି କରିବା କ୍ଷେତ୍ରରେ ଇଟିଭି ପ୍ଲାଟଫର୍ମ ଭୂମିକା ଗୁରୁତ୍ୱପୂର୍ଣ୍ଣ ରହିଥିଲା ବୋଲି ସେ କହିଛନ୍ତି । ଇଟିଭି ଏବଂ ଇନାଡୁ ଭଳି ଅନୁଷ୍ଠାନ ଏକ ବୈପ୍ଲବିକ ପରିବର୍ତ୍ତନ ଆଣିଥିବା ବେଳେ ଦକ୍ଷିଣ ଓଡିଶା ସମେତ ବ୍ରହ୍ମପୁର ସହରରେ ରହୁଥିବା ତେଲୁଗୁ ଭାଷାଭାଷୀ ଜନସାଧାରଣଙ୍କ ନିକଟରେ କିଭଳି ଇନାଡୁ ଖବର କାଗଜ ପହଞ୍ଚିବ ତାହାକୁ ନେଇ ରାମୋଜୀ ରାଓଙ୍କ ବଳିଷ୍ଠ ଉଦ୍ୟମକୁ କେବେ ଭୁଲି ହେବ ନାହିଁ କହିବା ସହିତ ଆନ୍ଧ୍ରପ୍ରଦେଶରେ ଜନ୍ମଗ୍ରହଣ କରି ସାରା ଦେଶରେ ଅନେକ ପରିବର୍ତ୍ତନ ଆଣିଥିବା ସ୍ୱର୍ଗତ ରାମୋଜି ରାଓଙ୍କ କାର୍ଯ୍ୟ ସଦାସର୍ବଦା ଚିରସ୍ମରଣୀୟ ହୋଇ ରହିବ ବୋଲି ସ୍ମୃତିଚାରଣ ସଭାରେ କହିଥିଲେ ବ୍ରହ୍ମପୁର ସହରର ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ଆନ୍ଦ୍ରା ଭାଷାଭିବର୍ଦ୍ଧନୀ ସମାଜମ୍ର ସଂପାଦକ ଭି.ରବି କୁମାର ଗୁପ୍ତା, ବରିଷ୍ଠ ସାମ୍ବାଦିକ ତଥା ନବୀନର ସମ୍ପାଦକ ରବି ରଥ, ଶକ୍ତିଧର ରାଜଗୁରୁ, ଇଟିଭି ଭାରତର ପ୍ରତିନିଧି ସମୀର କୁମାର ଆଚାର୍ଯ୍ୟ, ଜାମୁଲା.ସୁରେଶ, ବିଜେପି ନେତା ଟି.ଗୋପି, ବ୍ରହ୍ମପୁରର ଆନ୍ଦ୍ର ମହିଳା ସମାଜମ୍ ସଭାନେତ୍ରୀ ମଣିଙ୍ଗି.କାମେଶ୍ୱରୀ, ପି.ଧର୍ମା ରାଓଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ସ୍ୱର୍ଗତ ରାମୋଜି ରାଓଙ୍କ କାର୍ଯ୍ୟକୁ ନେଇ ସ୍ମୃତିଚାରଣ କରିଥିଲେ । ଏଥିରେ ଅନ୍ୟମାନଙ୍କ ମଧ୍ୟରେ ଡା ଇ.ଜୟନ୍ତି ରାଓ, ଏମ୍.ଭେଙ୍କେଟ ରମାଣା, ଟି.ୱାସୁଦେବ ରାଓ, ଏସ୍.ଶ୍ରୀନିବାସ ରାଓ, ଡା. ଜମୁଲା ନାରାୟଣ ରାଓ, ଜମୁଲା ଶୈଳଜା, ସି.ଏଚ୍.ଚକ୍ରଧର, ଏ. ଲକ୍ଷ୍ମୀ ନାରାୟଣ, ଭି. ଏସ୍. ଜାନକୀ, ଭି.ଭଙ୍କେଟ ରାଓ, କେ.ସୁରେଶ କୁମାର, ବି.ବୀରବ୍ରହ୍ମ ଆଚାରୀ, ଆର୍.ଶଙ୍କର ରାଓ ଆଚାରୀ, ବି.ଏଚ୍. ବାଲକ୍ରିଷ୍ଣା ଶର୍ମା, କେ. କେଦାରନାଥ, ଏ . ଶିବପ୍ରସାଦ ରାଓ, ପୂର୍ବତନ କର୍ପୋରେଟର ବଦ୍ରିନାରାୟଣ ନାୟକ, ଟି.ବାସୁଦେବ ରାଓ, ଗଣମାଧ୍ୟମ ବ୍ୟକ୍ତିବିଶେଷ ପ୍ରଦୀପ୍ତ ପରିଚ୍ଛା, ଆର୍ଶୀବାଦ ରାଉତ, ସ୍ୱାଧିନ କୁମାର ସାହୁ, ଏ.ନାଗରାଜୁ, ଶ୍ରୀନିବାସ ରାଜାନା, ରମେଶ ରାଜାନା, ଗୌରୀ ଶଙ୍କର ମିଶ୍ର, ଗୋପାଳ ରେଡ୍ଡୀ, ମୃତ୍ୟୁଞ୍ଜୟ ସାହୁ ପ୍ରମୁଖ ଉପସ୍ଥିତ ଥିଲେ ।