କଣ୍ଟାବାଞ୍ଜି, (କୈଳାଶ ସଗ୍ରିଆ) : ଆଜାଦୀ କା ଅମୃତ ମହୋତ୍ସବ ଅବସରରେ ଆଜି ପବିତ୍ର ଗୁରୁଦିବସ ପରିପ୍ରେକ୍ଷୀରେ ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟ ତୁରେକେଲା ତରଫରୁ ପ୍ରଭାତ ଫେରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ତୁରେକେଲା ସରକାରୀ ଉଚ୍ଚ ବିଦ୍ୟାଳୟ, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ବ୍ଲକ କଲୋନୀ ପ୍ରାଥମିକ ବିଦ୍ୟାଳୟ ଓ ସେବାଶ୍ରମ ବିଦ୍ୟାଳୟରୁ ୮୦ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ସକାଳ୬.୩୦ ସମୟରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଫକୀର ଚରଣ ବିଶିଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀମାନେ ହାତରେ ପ୍ଲାକାର୍ଡ ଧରି ରାମଧୁନ ଗାଇଗାଇ ତୁରେକେଲା ପରିକ୍ରମା କରିଥିଲେ । ଏହି କାର୍ଯ୍ୟକ୍ରମରେ ଅତିଥି ଭାବେ ସରପଞ୍ଚ ଜଳନ୍ଧର ମହାକୁଡ଼ ଯୋଗ ଦେଇଥିଲେ ଏବଂ ସିଆର୍ସିସି ପ୍ରେମରାଜ ପାଣିଗ୍ରାହୀ ସହଯୋଗ କରିଥିଲେ । ପ୍ରଭାତ ଫେରିକୁ ସଫଳ କରିବାରେ ଗାଇଡ ଶିକ୍ଷକ ଭାବେ ମାଧବୀଲତା ସାହୁ, ଧରିତ୍ରୀ ମେହେର, ଗୋପାଳ ଧରୁଆ, ମନୋଜ ବଗର୍ତ୍ତୀ, ପ୍ରଧାନ ଶିକ୍ଷକ ରାଜେଶ କୁମାର ସିଂଦେଓ, ରବିନ୍ଦ୍ର କୁମାର ରଥ, ପ୍ରେମକାନ୍ତୀ ରାଏ, ସୁଭଦ୍ରା ମେହେର ସହଯୋଗ କରିଥିଲେ ।