ରାଉରକେଲା, (ସସ୍ମିତା ପ୍ରଧାନ) : ଆଧ୍ୟାତ୍ମିକ ସଙ୍ଗଠନ ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟର ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ପ୍ରବଚିକା ବ୍ରହ୍ମକୁମାରୀ ଜୟନ୍ତୀ ଦିଦିଙ୍କ ଦ୍ୱାରା ଏକ ପ୍ରବଚନ କାର୍ଯ୍ୟକ୍ରମ ଆସନ୍ତା ମାସ ୨ ତାରିଖରେ ସେକ୍ଟର-୧୩ ମେଳନ ପଡ଼ିଆରେ ହେବାକୁ ଯାଉଛି । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ସୂଚନା ମୁତାବକ ୩ ତାରିଖ ଓ ୪ ତାରିଖ ଦୁଇଦିନ ଧରି ସଂସ୍କାର ଏବଂ ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ ଆୟୋଜିତ ହେବାକୁ ଯାଉଛି । ସାମ୍ବାଦିକ ସମ୍ମିଳନୀରେ ବ୍ରହ୍ମାକୁମାରୀ ସଙ୍ଗଠନର ସ୍ଥାନୀୟ ବାସନ୍ତୀ କଲୋନୀ ସ୍ଥିତ ସଙ୍ଗଠନର ଅମୂଲ୍ୟ କୁମାର, ବିଜୟ ସୋରେନ, ସୁଦାମ ପଣ୍ଡା, ଶ୍ୱେତା ଦିଦି ଏବଂ ବରିଷ୍ଠ ସଙ୍ଗଠିକା ବ୍ରହ୍ମାକୁମାରୀ ବିମଳା ଦିଦି ପ୍ରମୁଖ ଉପସ୍ଥିତ ଥିଲେ ।