ଦେଓଗାଁ, (ମନୀଷ କୁମାର ସାହୁ) : ବଲାଙ୍ଗିର ସଦର ବ୍ଲକ୍ ପ୍ରତାପପୁର, କୁଡ଼ାସିଂହା, ବୁଡ଼ିଘାଟ, କର୍ଲାପିଟା, ଫୁଲଝରନ, ଧଅରାଦାଦର୍, ବନ୍ଧକେଡା, ନାଇକେନପାଲି, ବାଗଭାଡ଼ି, କୁନ୍ଦପାଣି ପ୍ରମୁଖ ଗାଁରେ ଗତ ସେପ୍ଟେମ୍ବର ମାସରୁ ରିଲାଏନ୍ସ ଫାଉଣ୍ଡେସନ ଓ ଓଡ଼ିଶା ଜୀବିକା ମିଶନ ବଲାଙ୍ଗିର ପକ୍ଷରୁ ପୋଷଣ ମାସ ସଚେତନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗର୍ଭବତୀ ଓ ପ୍ରସୂତି ମହିଳା, କିଶୋରୀ ବାଳିକା ତଥା ଶିଶୁମାନଙ୍କୁ ନେଇ ଅନୁଷ୍ଠିତ କାର୍ଯ୍ୟକ୍ରମରେ ଅଙ୍ଗନୱାଡ଼ି କର୍ମୀ, ଆଶାକର୍ମୀମାନେ ଯୋଗ ଦେଇଥିଲେ । ପୃଷ୍ଟିକର ଖାଦ୍ୟ, ସୁସ୍ଥ ରହିବାର ବିଭିନ୍ନ ଉପାୟ, ଗର୍ଭବତୀ ମାଁମାନଙ୍କ ପାଇଁ ବିଭିନ୍ନ ନିର୍ଦ୍ଦେଶାବଳୀ ଉପରେ ପ୍ରଶିକ୍ଷଣ ଦେଇଥିଲେ । କାର୍ଯ୍ୟକ୍ରମରେ ରିଲାଏନ୍ସ ଫାଉଣ୍ଡେସନର ଶୈଲେନ୍ଦ୍ର ଏକ୍କା, ସିଆରପି ପ୍ରଶାନ୍ତ ସାହୁ, ସୁଶାନ୍ତ ଭୋଇ, ଓଏଲଏମ ବିପିଏମ ତିର୍ଥବ ବାଗଙ୍କ ସହ ଏମବିକେ, ସିଆରପି କାର୍ଯ୍ୟକ୍ରମ ପରିଚାଳନାରେ ପ୍ରମୁଖ ସହାୟତା କରିଥିଲେ ।