ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଦିନ ଅବସରରେ ନାରିଶକ୍ତି ଫାଉଣ୍ଡେସନ ତରଫରୁ ବଲାଙ୍ଗିର କଲେଜ ଛକ କଲ୍ୟାଣ ମଣ୍ଡପଠାରେ ଆମର ପିଠାମଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ପାରମ୍ପରିକ ପିଠାମଡା ପ୍ରତିଯୋଗିତା ରେ ବିଭିନ୍ନ ପ୍ରକାରର ପିଠା ମଡା ଦେଖିବାକୁ ମିଳିଥିଲା । ପ୍ରତିଯୋଗୀଙ୍କ ଭିଡ଼ ଲାଗିଥିବା ବେଳେ ଦର୍ଶକଙ୍କ ଓ ଖାଦ୍ୟ ପ୍ରେମୀଙ୍କ ମଧ୍ୟ ଭିଡ଼ ଦେଖିବାକୁ ମିଳିଥିଲା । ଏହି ପ୍ରତିଯୋଗିତାରେ ବିଚାରକ ଭାବରେ ରଶ୍ମି ଦାସ, ପଦ୍ମିନୀ ମହାପାତ୍ର, ରାଜ କୁମାର ହୋତା ଦାୟିତ୍ୱରେ ଥିଲେ । ଏହି ପ୍ରତିଯୋଗିତାକୁ ପରିଚାଳନାରେ ନାରୀ ଶକ୍ତି ଫାଉଣ୍ଡେସନର ସରିତା ଦାସ, ନୂତନ ଦାସ, ନୂତନ ସେନ୍ଦ୍ରଆ, ପ୍ରିୟଙ୍କା ତ୍ରିପାଠୀ, ଶ୍ରାବଣୀ ମେହେର, ଶ୍ରୀପଦା ଷଡ଼ଙ୍ଗୀ, ମିଲି ବାରିକ ପ୍ରମୁଖ ସହଯୋଗ କରିଥିଲେ ।