ଟିଟଲାଗଡ଼, (କେପିଏନ୍ଏସ୍) : ବିଦ୍ୟା ଶ୍ରୀ ପିଲାଙ୍କ ପାଖରେ ଭ୍ରାମ୍ୟମାଣ ପାଠାଗାର ଟିଟିଲାଗଡ଼ ବ୍ଲକ ସ୍ଥିତ ମାଲାଡ୍, ପିୟୁପିଏସ୍ ଠାରେ ଅନୁଷ୍ଠିତ ହୋଇଥିଲା । ଏଥିରେ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର ବେନିଆ ଅଧ୍ୟକ୍ଷତା କରି ପୁସ୍ତକ ମନସ୍କ ହେବା ପାଇଁ ଛାତ୍ରଛାତ୍ରୀ ମାନଙ୍କୁ ବିଭିନ୍ନ ଉଦାହରଣ ଦେଇ ଉତ୍ସାହିତ କରିଥିଲେ । ରଜତ ଛତ୍ର, ଗିରିଶ ଯାନୀ, ରାକେଶ ବୁଦ୍ଧିଆ, କ୍ଷେତ୍ର ପାଲି କୁମାର, ପୁସ୍ତକ ମନସ୍କ ହେବା ପାଇଁ ନାନା ପ୍ରକାର ଉଦାହରଣ ଦେଇ ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ ଦେଇଥିଲେ । ପାଠାଗାରର ପୁସ୍ତକକୁ ନେଇ ପ୍ରତିଯୋଗିତା ହୋଇଥିଲା । କୃତି ପ୍ରତିଯୋଗୀ ସୋନାଲି ମାନସୀ, ରଶ୍ମିନ ଛୁରା, ରତ୍ନାକର ଯାନୀଙ୍କୁ ମାନପତ୍ର, ଖାତା, କଲମ ଦେଇ ଉତ୍ସାହିତ କରାଯାଇଥିଲା । ଶେଷରେ ପାଠାଗାରର ପ୍ରତିଷ୍ଠାତା ବୃନ୍ଦାବନ କୁମ୍ଭାର ଧନ୍ୟବାଦ ଅର୍ପଣ କରିଥିଲେ ।