ଟିଟିଲାଗଡ଼ : ବଲାଙ୍ଗିର ଜିଲ୍ଲା ଟିଟିଲାଗଡ ବ୍ଲକକ ଅନ୍ତର୍ଗତ ଅଏଁଲାଭଟା ପ୍ରାଥମିକ ବିଦ୍ୟାଳୟ ପରିସରରେ ପିଲାଙ୍କ ବିଦ୍ୟାଶ୍ରୀ ଭ୍ରାମ୍ୟମାଣ ପାଠାଗାର କାର୍ଯ୍ୟକ୍ରମ ରାଜ୍ୟପାଳ ପୁରସ୍କାରପ୍ରାପ୍ତ ତଥା ଅବସରପ୍ରାପ୍ତ ଶିକ୍ଷକ ବୃନ୍ଦାବନ କୁମ୍ଭାରଙ୍କ ପ୍ରଚେଷ୍ଟାରେ ଅନୁଷ୍ଠିତ ହୋଇଯାିଛି । ଏଥିରେ ଲେବଡା ହାଇସ୍କୁଲର ଶିକ୍ଷକ ଉତ୍ତମ ବନଛୋର ଅଧ୍ୟକ୍ଷତା କରିଥିଲେ । କାର୍ଯ୍ୟକ୍ରମ ପ୍ରତି ଖୁସି ହୋଇ ପୁସ୍ତକ ହିଁ ଏହି ଗ୍ରୀଷ୍ମ ଅବକାଶରେ ଜ୍ଞାନ ଆହରଣର ସୁଯୋଗ ଦେଇପାରିବ ବୋଲି ମତବ୍ୟକ୍ତ କରିଥିଲେ । ସେହି ଗାଁର ଭକ୍ତରାମ ସୁନା କାଳ ଅପଚୟ ନକରି ଗ୍ରନ୍ଥକୀଟ ହୋଇ ବାରମ୍ବାର ବହିପଢି ଜ୍ଞାନ ଆହରଣ କରିବାକୁ ସୁପରାମର୍ଶ ଦେଇଥିଲେ । ଗ୍ରୀଷ୍ମ ଅବକାଶରେ ବିଭିନ୍ନ ପ୍ରକାରର ବହିପଢି ଗପ, କବିତା ଲେଖିବା ସଙ୍ଗେ ସଙ୍ଗେ ଶ୍ରେଣୀ ପାଠ ପଢିବାକୁ ପରାମର୍ଶ ଦେବା ସହିତ ମହାପୁରୁଷଙ୍କ ଜୀବନୀ ଉପରେ ଆଲୋକପାତ କରିଥିଲେ । ଶେଷରେ ଅଂଶଗ୍ରହଣ କରିଥିବା ଛାତ୍ରଛାତ୍ରୀମାନଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା ।