ପାଟଣାଗଡ଼ : ବ୍ଲକ୍ ତମିଆଁ ବୁଥ୍ ନମ୍ବର ୧୧୬ରେ ଯାନ୍ତ୍ରିକ ତ୍ରୁଟି ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ମତଦାନ ଆରମ୍ଭ ହୋଇନଥିବା ବେଳେ ଭୋଟର୍ ମାନଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି । ସୂଚନା ଅନୁସାରେ ସକାଳ ସାଢେ଼ ୬ଟା ବେଳେ ମଗ୍ ପୁଲ୍ ପାଇଁ ନିର୍ବାଚନ ଅଧିକାରୀମାନେ ଇଭିଏମ୍, ଭିଭିପାର୍ଟ ଆରମ୍ଭ କରିବା ବେଳକୁ ଏଥିରେ ଯାନ୍ତ୍ରିକ ତ୍ରୁଟି ଥିବା ଦେଖିବାକୁ ପାଇଥିଲେ । ପ୍ରିଜାଇଡିଂ ଅଫିସର ସୁଦାମ ଚରଣ ଖମାରୀ ତୁରନ୍ତ ସେକ୍ଟର ଅଫିସର ତଥା ଉପରିସ୍ଥ ଅଧିକାରୀଙ୍କୁ ଏ ସଂପର୍କରେ ଅବଗତ କରାଇଥିବା ସତ୍ୱେ ବର୍ତ୍ତମାନ ପର୍ଯ୍ୟନ୍ତ ନୂତନ ଭୋଟ ଗ୍ରହଣ ଯନ୍ତ୍ର ବୁଥ୍କୁ ପହଂଚି ନଥିବା ଦେଖିବାକୁ ମିଳିଛି । ଭୋଟର୍ମାନେ ଭୋଟ୍ ଦେବା ପାଇଁ ଭୋଟ୍ଦାନ କେନ୍ଦ୍ରରେ ରୁଣ୍ଡ ହୋଇଥିବା ବେଳେ ବୁଥ୍ରେ ଏଭଳି ଅବ୍ୟବସ୍ଥାକୁ ନେଇ ଅସନ୍ତୋଷ ପ୍ରକାଶ କରୁଥିବା ଲକ୍ଷ୍ୟ କରାଯାଉଛି ।