ଲାଠୋରରେ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ

ଖପ୍ରାଖୋଲ, (ଅଶୋକ କୁମାର ବାଗ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଅନ୍ତର୍ଗତ ଲାଠୋର ଠାରେ ଗୁରୁବାର ଏକ ମାଗଣା ଚକ୍ଷୁ ପରୀକ୍ଷା ଶିବିର ଆୟୋଜିତ ହୋଇଯାଇଛି । ରାଇଟ ଟୁ ଫାଇଟ କ୍ଲବର ମିଳିତ ଉଦ୍ୟମ ଏବଂ ଟିଟିଲାଗଡ଼ ସ୍ଥିତ ଏସ୍‌ସିଡି ଆଖି ଡାକ୍ତରଖାନାର ସହଯୋଗିତାରେ ଶିବିର କାର୍ଯ୍ୟକ୍ଷମ ହୋଇଥିଲା । ଲାଠୋର ବସଷ୍ଟାଣ୍ଡ ନିକଟରେ ଅନୁଷ୍ଠିତ ହୋଇଥିବା ଉକ୍ତ ଶିବିରରେ ରାଇଟ ଟୁ ଫାଇଟ କ୍ଲବର ସଭାପତି ସୁଶୀଲ କୁମାର ଅଗ୍ରୱାଲଙ୍କ ସଭାପତିତ୍ୱରେ ଆୟୋଜିତ ହୋଇଥିବା ବେଳେ ସଚ୍ଚିଦାନନ୍ଦ ଦାସ, ପ୍ରକାଶ ବେହେରା ପ୍ରମୁଖ ଉପସ୍ଥିତ ରହିଥିଲେ । ଏଥିରେ ସମସ୍ତ ପ୍ରକାର ଚକ୍ଷୁର ପରୀକ୍ଷା ନିଃଶୁଳ୍କ କରାଯାଇଥିଲା । ମୋଟ ୭୩ ମହିଳା ଓ ପୁରୁଷଙ୍କର ଚକ୍ଷୁ ପରୀକ୍ଷା କରାଯିବା ସହ ୧୫ ଜଣଙ୍କୁ ଚଷମା ଦିଆଯିବା ବେଳେ ୩୧ ଜଣଙ୍କୁ ମୋତିଆବିନ୍ଦୁ ଅପରେସନ ନିମନ୍ତେ ଚିହ୍ନଟ କରାଯାଇଥିଲା । ଟିଟିଲାଗଡ଼ ଏସ୍‌ସିଡି ଆଖି ଡାକ୍ତରଖାନା ତରଫରୁ ଟେକ୍ନିସିଆନ ରଶ୍ମିତା ତାଣ୍ଡି, ନର୍ସ ଚନ୍ଦ୍ରକଳା, ବସନ୍ତ ନାଗ ଏବଂ ସୁଶୀଲ ନାଗ ଉପସ୍ଥିତ ଥିଲେ । ଉକ୍ତ ଶିବିରରେ ଅମିତ ସିଂହଲ, ଜଗା ମେହେର ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।