
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ମେଲଛାମୁଣ୍ଡା ଉଚ୍ଚ ବିଦ୍ୟାଳୟର ଅବସର ପ୍ରାପ୍ତ ଲୋକପ୍ରିୟ ଗଣିତ ଶିକ୍ଷକ ଜିତେନ୍ଦ୍ରିୟ ଦେଵତାଙ୍କ ଗତ କାଲି ଶୁକ୍ରବାର ରାତ୍ର ୩ ଟା ସମୟରେ ହୃଦଘାତରେ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ହୋଇଥିଲା । ଜଣେ ମିଷ୍ଟ ଭାଷୀ, ପରୋପକାରୀ, ଛାତ୍ରବତ୍ସଳ ତଥା ଅମାୟିକ ବ୍ୟକ୍ତିତ୍ଵର ଅଧିକାରୀ ଭାବରେ ଅଞ୍ଚଳରେ ଜଣାଶୁଣା ଥିଲେ । ମୃତ୍ୟୁ ଖବର ପାଇ ଅନେକ ମାନ୍ୟଗଣ୍ୟ ବ୍ୟକ୍ତି ତାଙ୍କର ଶେଷ ଦର୍ଶନ କରିଥିଲେ । ସ୍ଥାନୀୟ ସ୍ୱର୍ଗ ଦ୍ଵାର ଠାରେ ତାଙ୍କର ଶେଷକୃତ୍ୟ କରାଯାଇଛି । ବଡ଼ପୁଅ ଅଧ୍ୟାପକ ପ୍ରମୋଦ ଦେବତା ମୁଖାଗ୍ନି ଦେଇଥିଲେ ।